Categories
Home طيور عربي

تربية و رعاية طائر الكوكاتيل

معلومات أساسية

.ببغاء الكوكاتيل: معروف باسم؛ كوكتيل، كروان، أو الكالوبسيت
.(Nymphicus hollandicus) الاسم العلمي:  نيمفيكوس هولانديكوس
.الموطن الأصلي:  أستراليا
.الحجم:  يتراوح بين 30 – 33 سم
     متوسط العمر:  10 – 14 عام في البرية/الطبيعة، و يمكن أن يصل عمره الي 20 عام

طيب، ايه هو الكوكاتيل؟

ببغاء الكوكاتيل من أجمل أنواع الببغاوات، متميز بجمال صوته و قدراته الغنائية. و يتميز عن أنواع الببغاوات الأخرى بوجود دائره بلون خوخي او برتقالي زاهي على خده. ببغاء اجتماعي و رقيق جداً، و ترتيب شهرة اقتنائه كحيوان أليف عالمياً بتيجي تماماً بعد البادجي

الكوكاتيل من الطيور المحبوبة جداً و صعب أي حد يشوفه ميحبوش. ولكن بالرغم من كدا، الا انه مثل معظم الببغاوات؛ طائر فوضوي و يحتاج لرعاية كبيرة و اهتمام يمي. و مهم جداااا ان يخصص له صاحبه وقت للعب و التفاعل معه و اطلاقه خارج القفص يومياً و الا بيكون معرض  للاكتئاب

Cockatiels

:مواصفات الكوكاتيل

  يعتبر الكوكاتيل من الاختيارات المناسبة لشخص جديد في تربية الطيور و حابب يقتني طائراجتماعي يتفاعل معاه و سهل في تربيته و تدريبه، و في نفس الوقت يكون أكبر حجماً و مختلف عن البادجي الاسترالي الأكثر منه انتشاراً

:أهم صفات بتميز الكوكاتيل

صوته مميز جداً لأنه عنده القدره على الغتاء و تقليد الأصوات و تركيب نوت غنائية أو أصوات مختلفة مع بعض البيطلع منها مقاطع صوتيه خاصة به. بيتعلق بصاحبة جدا بالذات لو تم تدريبه و تربيته بشكل صحيح و بيصبح عنده فضول و رغبة في مشاركته و لفت انتباهه دائماً لأنه بيعتبرك فرد من السرب بتاعه

طبيعته اجتماعية و فضولية جداً . طائر رقيق و حساس و بيحب التفاعل و الاهتمام. و هناك اختلافات في السلوكيات و الشخصية كثيرة بين الأنثى و الذكر. اما بالنسبة للتكاثر فا مش بيكون سهل أوي بالأخص على الناس البتربي طيور لأول مرة

قوة منقاره متوسطة، بس خلي بالك ان الكوكاتيل “مثل معظم الببغاوات” بيعشق العض و النقر في كل شئ و بالأخص الأخشاب، و لعبته المفضلة هي تكسير أنواع الأخشاب المختلفة بمنقاره. لأن الطيور في الطبيعة بتقدي معظم يومها في البحث عن الطعام و بالنقرفي الأشجار و غيرها. دا غير انهم بيبردو منقرهم عشان لو دا محصلش بيبدأ يحصل تشوهات في المنقار. فا خلي بالك انك لازم لازم لازم تعوض دا بانك تحطلهم ألعاب كثير في القفص يقدروا يعضو و يكسروا فيها و كمان ممكن تخبي فيهم حبوب مميزة فا يفضلوا يكسروا و يعضوا في اللعبة لحد ما يطلعوها. و يفضل تكون خشب. و ممكن تصنعلهم ألعاب بنفسك في البيت من الورق و الكرتون و غيره. أهم حاجة عشان تخلي الطائر دائماً مبسوط انك تحطله اللعب و تتفاعل معاه بطرق تحفزه ذهنياً

:نوع ريش الكوكاتيل

الريش البودرة؛ من الجدير بالذكر ان هذا النوه من الريش يمكن أن يكون غير مناسب للأشخاص الذين يعانون من حساسية في الصدر

:صوت الكوكاتيل

تتميز ذكور الكوكاتيل بقدرات غنائية فائقة، بينما الإناث صوتها هادي جداً و معندهاش نفس القدرات الصوتية مثل الذكور

ممكن يتعلم الكلام أو تقليد الأصوات؟  

ممكن، لكن مش كل الكواكتيل بيتكلم. الكوكاتيل له قدرات صوتية جميلة  و عنده قدرة هائلة مش بس في تقليد الأصوات لكن كمان يقدر يجمع بين أصوات  مختلفة و يصنع نوت غنائية خاصة به. و  تقدر تعلمه يصفر مقاطع موسيقية و كمان بعض الكلمات، لكن الكلمات مش بتكون واضحة
لكن عشان دا يحصل لازم تكون بتدي الطائر وقت يومياً للتدريب و تهتهم به بشكل صحيح بحيث انك تبني رابط قوي بينك و بينه و تعزز ثقة الطائر فيك و بالتالي هيعتبرك فرد من أفراد السرب

:الفرق بين ذكر و أنثى الكوكاتيل

بالنسبة للفرق بين الذكر و الأنثى من المظهر الخارجي فهناك بعض الفروقات البسيطة البتظهر بعد نضوج الطائر، ولكن غالباً بيكون من الصعب على المربي العادي انه يعرف يفرق بينهم… طيب ازاي اعرف احدد الفرق بسهولة؟
هناك اختلافات كثيرة بين سلوكيات ذكر و انثى الكوكاتيل لكن هعرفكم عن كل الاختلافات الجسمانية و السلوكية بالتفصيل في مقال اخر قريب ان شاءالله

:الأنواع و طفرات الألوان

تختلف مسميات و تصنيف الكوكاتيل في السوق حسب طفرة اللون، و فرق الأنواع بيختلف فقط في الألوان حسب رغبة كل شخص، لكن ملهاش هلاقة بشخصية أو مواصفات الطائر. و بالنسبة للشخص العادي الحابب يربي في البيت، هتروح عند المحل و تختار اللون و الطفرة التحبها او الطير الهيتعلق قلبك به.. لكن لو حابب تعرف أكثرعن مسميات الكوكاتيل و ألوانه المختلفة بالصور، ان شاءالله هنتكلم عليها قريب في مقال منفصل

 

الكوكاتيل طائر حساس و يتعلق جداً بصاحبه

قد يصل متوسط عمره الى 20 سنة، فمينفعش تشتريه بشكل عفوي منغير ما تكون متأكد انك هتقدر تتحمل مسئوليةّ اقتنائه و رعايتها بشكل صحيح طول فترة حياته

كيف تختار الطائر و تتأكد من سلامته؟

لو انت مبتدئ في تدريب الطيور بشكل عام، يفضل تشتري كوكاتيل يكون مفطوم يدوي أو تربية من بيت، لأنه بيكون أسهل كثير في التدريب و تعلم الثقة في صاحبة، و بشكل عام الذكور بتكون أسهل في التدريب أو التأليف

:اهتم بالتفاصيل

اختار زغلول (صغير) مفطوم

كل ما يتربى الطائر و يتعود عليك في سن صغير هيكون أسهل ترويضة و تدريبة

راقب الطائر و حاول تختار واحد نشيط، حركته سريعة، وميكنش مستقر فيقاع القفص

لأن طبيعة الطيور بتخبي تعبها لحد متصل للمراحل الأخيرة، عشان كدا اختار طائر نشيط و بيتحرك كثير. بيطير من عصل لعصا، و رد فعله سريع. لكن لو حسيت ان الطائر نافخ نفسه, حركته بطيئة و مستقرفي  قاع القفص، دا معناه ان في احتمالية ان الطائر تعبان

ريش الطائر

الريش الصحي دليل على صحة الطائر و اهتمام و رعاية صاحبه له. و العكس صحيح
كل ما  ريش الطيركان  جميل، متساوي و الوانة ناصعة، بيكون دليل على صحته. و تأكد من عدم وجود أي بقع صلع بريش الطائر

.تأكد من سلامة منقار و أرجل الطائر

تتميز رجل الببغاء بوجود 4 صوابع. 2 أمامية و 2 خلفية
تأكد ان ميكنش في أي اعاقات بالمنقار و الأرجل و الأظافر. و تأكد ان ميكنش في قشورعليهم

العين؛ 

 تكون مفتوحة و صافية

نوع و نظافة الأكل و المياه، و القفص الموجود فيه الطائر؛

فطبيعي دول أكثر حجات تبين مدى الاهتمام و بالتالي صحة الطيور

و بشكل عام عند شرائك لأي نوع طائر؛ 

حاول دائماً تسأل قبل الشراء و تتأكد من أمانة التاجر و حسن معاملته لكل الحيوانات العنده. و حاول تشتري من مربي، مش من بائع عادي لو متاح. عشان تكون متطمن على صحة الطائر، و تتأكد انه مدرب و مش بيخاف من البشر
تأكد أن الطائر تربية مش صيد. لأن الطيور الصيد مشاكلها كثير جداً جداً، دا غير ان الطائر بيكون مقهور و الحبس شبه تعذيب له. و كمان متشجعش على هذا النوع من التجارة لأن للأسف معظم البائعين بيتعاملوا مع الطيور كتجارة و طيور الصيد بتكون سعرها أرخص. و الطيور بتتبهدل و كثير حالتهم بتكون صعبة جداً

مهم جداً

لو عندك طيور أو اي حيوانات اخرى في البيت، انك تفصل بينهم تماماً في الفترة الأولى من استقبال الطائر الجديد، لحد ما تتأكد ان الطائر بخير و معندوش أي أمراض ممكن تعديلك الباقي

:الرعاية و العناية بالطائر

لما تفكر في تربية أي حيوان متفكرش في كيفية بقاء الحيوان علي قيد الحياة و بس
لازم نفكر أكثر ازاي نسعد الحيوان دا و نعطيه الأشياء الكان هيقدر يخذها في حياته البرية قدر المستطاع، ليستخدم فطرته و قدراته الكامله زي ما ربنا قدرله و هيأه. فكردائماً ازاي تمنحه أفضل قيمة لحياته، اعطيه حق الاختيار و ادرك انك بتتعامل مع روح لها احتياجات و مشاعر… فتعلم كيف تكسب ثقة هذا الحيوان أو الطائر الانت اخترت انك تشيل مسئوليته، و لا تعتذر عن المسئولية، ولو حكمت ظروفك، اوعى تتخلى عنه لأي حد. متسبوش إلا لحد فعلاً هيراعي ربنا فيه

:التفاعل مع الببغاء و الطيران خارج القفص

يحتاج الكوكاتيل للكثير من الاهتمام و التفاعل

و بالأخص لو هتجيب طائر واحد بدون رفيق لأنه اجتماعي جدا زي ما قلنا و بيرتبط بصاحبه جدا و بيحب يشاركه و يقلده في كل حاجة. لأن الطيور في الطبيعة بتعيش في سرب، و بتشارك بعض في كل حاجة من أول ما بتصحى لحد ما تنام. فا انت لما بتجيب الطائر البيت و بيبدأ يثق فيك بيعتبرك فرد من أفراد عيلته أو السرب بتاعه، و بيبقا عايز يعمل معك كل حاجة. يعني لو هو خارج القفص و انت بتشرب كباية مياه ممكن جداً تلاقيه جه و عايز يشرب معك من نفس الكوب 

ببغاء الكوكاتيل من الطيور الذكية جدا، و بسرعة بيتعود على صاحبه و بيتعلم روتين حياتك اليومية و بيأقلم نفسه عليها. فا لو هتغير روتينك فجأة كمان لازم تحاول تخلي التغيير دا تدريجي على الطائر و تحطه دائماً في اعتبارك

طرق التفاعل و اللعب مع الكوكاتيل كثيرة و تحتاج مقاة منفصلة هعلمكم فيها ازاي تدربوه و ازاي يثق فيكم بسرعة و فوائد تدريب الطيور بشكل عام، لكن باختصار بسيط دلوقتي هقولكم أكثر الأشياء البيحبها هي الأشياء المتعلقة بالصوتيات زي انك تتكلم معاه كثير و تغنيله و تصفرله و تسمعه أغاني. أيوا سمعه أغاني متستغربش، الكوكاتيل بيحب الموسيقى جدااا و بيحب يقلدها و يرقص عليها كمان و يألف و يزود عليها مقاتع من ابتكاره و بالأخص ذكر الكوكاتيل.

مهم جداااً انك تعطي الطائر مساحة للطيران خارج القفص لمدة ساعة على الأقل يومياً مهما كان حجم القفص، و من اأفضل أن يقضي الكوكاتيل يومه بالكامل خارج القفص أو اكثر عدد من الساعات حسب ظروفك معدى وقت نومه

قلة الطيران تسبب مشاكل كثير جداً صحية و نفسية لجميع أنواع الطيور زي الاستسلام و الاكتئاب، و السمنة و مشاكل في النظام التنفسي، عشان كدا للأسف معظم الناس البتربي طيور بتتفاجئ بموتها خلال عام أو اثنين.، متخيلين خطاً ان دا متوسط عمرهم.
و من الأهم الأشياء انه لازم لازم يقضي وقت خارج القفص على الأقل ساعة في اليوم و الا هيصاب بالاكتئاب. فا لو انت مش هتقدر تحقق دا سواء معندكش الوقت الكافي أو المكان المناسب، يفضل تفكر في اختيار حيوان أليف ثاني يكون مناسب أكثر لظروفك. فتخيل لو عشت عمرك كله محدود الحركة داخل قفص صغير. و اه أنا بشبهنا بالطيور لأنهم شبهنا أكثر مما نتخيل

لما تيجي تطير الكوكاتيل أو اي طائر متفتحش القفص و تدخل ايدك و تمسكه بالعافية و تطلعه، لأنه كدا هيخاف و مش هيثق فيك و هيكره يطلع من القفص. ببساطة افتحله باب القفص و سيبه يطلع لما يحس انه مستعد

وطبعاً خلي بالك، قبل ما تطيره، لازم تاخد بالك ان الشبابيك مغلقة، و ان مفيش أي حاجة خطر في الغرفة ممكن تئذي الطائر و قريباً في مقالة أخرى هكلمك بالتفصيل عن كيفية الاستعداد لللإستقبال أي طائر بالبيت

:حجم القفص و بعد مسافة السلك

أ. حجم القفص: “الأكبر أفضل

وطبعاً خلي بالك، قبل ما تطيره، لازم تاخد بالك ان الشبابيك مغلقة، و ان مفيش أي حاجة خطر في الغرفة ممكن تئذي الطائر و قريباً في مقالة أخرى هكلمك بالتفصيل عن كيفية الاستعداد لللإستقبال أي طائر بالبيت

“مفيش قفص كبير كفاية… بس أقفاص كثيرة ممكن تكون أصغر من اللازم”
و القاعدة الثابتة عند شراء أي قفص لأي طائر هي؛ أن يكون حجم القفص ضعف حجم الطائر بجناحاته مفرودة

أصغر حجم مناسب لقفص الكوكاتيل كما نصح به المتخصصون للطائر الواحد هو؛ 60.96 سم طول في 45.72 سم عرض. و تتضاعف المساحة كل ما هتزود عدد الطيور يعني متقولش القفص دا كويس و هجيب واحد ثاني و خلاص حتى لو بتخرجهم من القفص، صغر حجم القفص بيسبب مشاكل كثير للطيور زي الاكتئاب مرة ثانية و كمان ممكن يؤدي للعنف و الضرب بين الطيور

round cage warning
تحذير!  تجنب شراء القفص المستدير

بالرغم من انتشاره، الا انه يعتبر ن أسوأ أنواع الأقفاص مهما قالك البائع انه مستورد أو غيره. الطيور بتحتاج لوجود أركان بالقفص. القفص المستدير بيزيد من توترهم و عنفهم بشكل كبير

الطيور بتحب تتجه للأركان عند الشعور بالخوف أو القلق. والقفص الدائري لا يعطيها هذه الفرصة مما يزيد شعورهم بالخوف و التوتر

:ب. بعد مسافة السلك

بعد مسافة السلك في غاية الأهمية. عشان لو المسافة كبيرة أو أوسع من الحجم المناسب للطائر، فا ممكن يزنق راسه بين السلك و لقدرالله يخنق نفسه
بالنسبة للكوكاتيل، فالمسافة التي ينصح بها هي؛
 سم1.5875 – 1.27سم

:اللعب و الحوامل و الستاندات

أنواع الستاندات و اللعب كثيرة و مختلفة، ايه هي أفضل الأنواع البيحبها الكوكاتيل و ازاي تختارها؟

:أ. الستاندات
:أنواع الستاندات المريحة و الصحية لقدم الطائر

للأسف أكثر الستندات المتعارف عليها في بلدنا هي الستندات البلاستك، و العادتاً بتكون أحجامها متقاربة، و سبب انتشارها هو بساطة أسعارها و قلة المعرفة بالمشاكل الصحية المترتبة عليها

الستندات هي ممكن تكون أكثر شئ مهم رعايته في تربية الطيور بعد الاهتمام بالنظام الغذائي. لأنها أكثر حاجة بيقف عليها الطائر معظم اليوم لو مكنش اليوم كله. فلازم الستاندات الهتجبها تكون؛

:أحجامها مختلفة

كي يماثل غصون الأشجار و اختلاف أحجامها… فلو الطائر عاش معظم حياته بيقف على ستندات بنفس الحجم و المادة، و بالتالي نفس حركة قفل القدم حولها. دا بيسب ألم شديد جداً للطائر و ممكن يبدأ يحصله مشاكل لقدمه زي؛ القروح و بعض التشوهات

:مريحة

أفضل أنواع الستندات أو أكثر أنواع مريحة للطيور هي الخشب و الحبال، باختلاف أشكالها و أحجامها و نوعية الخشب المستخدمة

:تجنب الستاندات البلاستيكية قدر المستطاع

زي ما قلتلكم قبل كدا؛ مشاكل الستندات البلاستك كثير، و استخدامها مؤذي جداً لقدم الطائر بالرغم من انتشارها
أولاً؛ غير مريحة تماماً لقدم الطائر و مع الوقت بتسبب مشاكل كثيرة مثل القرح و غيرها كما ذكرت سابقاً

ثانياً؛ معظمها لا يساعد الطائر على برد أظافره

ثالثاً؛ استخدام مادة البلاستك بصفة عامة بتكون عرضة للتفاعل و لم الباكتيرا أكثر، بالذات ان عادتا معظم التجار المعنهمش أمانة بيشتروا أردأ الأنواع
و بما ان الطيور بتحب تعض في الأشياء لبرد منقارها، فتدخل قطع صغيرة جدا من البلاستك في بطنها مما قد يقصف عمر الطائر

فلو اضطررت لاستخدامها، على الأقل خليها أسفل القفص من تحت و خلي الستاند الخشب هو الفي أعلى القفص. لأن الطيور بتمضي معظم الوقت في أعلى القفص إلا لو نزلت للحركة أو الأكل أو غيره

:ب. اللعب
“يعشق الكوكاتيل اللعب اليقدر يكسرها بمنقاره” بس ايه أهمية اللعب؟ و ايه الأنواع الآمنة الممكن تجبهاله؟

اللعب للطيور مش مجرد لعب بالمعنى المتعارف عليه. فمن المفترض انها تعادل أشياء بيعملها و يستخدمها الطائر في الطبيعة، مثل استخدام المنقار في الخشب و استخدام ذكاؤهم في البحث عن الطعام، و أشياء أخرى كثيرة… فأهمية اللعب هي انك تخلي الطائر يستثمر كل قدراته الجسدية و العقلية على أكمل وجه كما  خلقه الله لذلك

في الطبيعة، تستثمر الطيور معظم وقتها في البحث عن الطعام بالطيران من مكان الى مكان و التكسير في الأشجار بمنقارها، البحث عن الحبوب في الأرض، و الفواكه و الخضروات في الأشجار.. ولكن في بيوتنا، كل حاجة بتصلهم جاهزة، فبالوقت لو مجبتش بدائل مشابه و استثمرت من وقتك لتدريب الطائر و تغذية وقته و قدراته و ذكاؤه، بيبدأ يشعر بالاكتئاب و الملل و الإستسلام، و كمان بيحصله مشاكل صحية زي السمنة… كل هذه الأشياء بتؤثر بقوة على صحته

الحاجة أم الاختراع   يعني لو انت مش هتقدر كل شوية تجيب لعب للطائر أو مش لاقي لعب مناسبة تقدر بحاجات بسيطة جداً في البيت تعمله لعب آمنة وسهلة و رخيصة، مثل؛ كرتونة المناديل و الكبيات الورقية و غيرها

:ولكن احترس عند اختيارك الألعاب

.ميكنش فيها ألوان صناعية أوأي كيماويات ضارة و سامة للطائر •
.متبقاش فيها أشياء حجمها صغير و ممكن يبلعها أو تتزنق في بقة أو زوره •
.تجنب المرايات اللعبة •


بالرغم أيضاً من انتشارها بالمحلات، إلا انها بتخلي الطائر في حالة عصبية و بتنرفزه جداً و ممكن يصبح مهووس بها حرفياً، و ممكن فجأة يعضك بدون سبب أو تلاقيه أصبح عنيف و تتغير سلوكيات

الميعاد المثالي لنومه هو من وقت المغرب و حتى طلوع الفجر، و دا التوقيت الطبيعي البتنام و تصحا فيه كل أنواع الطيور في البرية. ولكن في البيوت غالباً دا بيتغير حسب ظروف كل بيت، فا مفيش مشكلة على صحة الطائر طالما انه هياخد كفايته من النوم زي ما اتفقنا 10-12 ساعة متواصلة، و نهيئ الظروف لنومه بمعنى؛ ان وقت النوم مفيش نور في مكان قفص الطائر و يفضل كمان لو فيه أصوات تكون خافته جداً عشان يعرف ينام. و العكس وقت الاستيقاذ بنفتح النور و لازم الطائر يشوف الشمس

  :تنظيف القفص

“الطيور كائنات فوضوية جداً – يجب تنظيف القفص باستمرار لعدم انتشار الباكتيريا و الأمراض”

cleaning bucket
:التنظيف اليومي الروتيني

أ. تغيير المياة كل يوم و غسل المشربة جيداً من الداخل بمياه فقط، أو مياه و خل

لأن المياة الراكدة بتكون بكتيريا و فطريات. و هتلاقي دائما و انت بتغسلها احساس بشئ لزج و هيدي بتكون الباكتيريا المكونة بالداخل
.فلازم تغسلها و تمليها تاني بمياه نظيفة مفلترة

 ب. تنظيف أو تبديل طبق الطعام، والتأكد من وجود الطعام الكافي و تنظيفة من أي بقايا من وسخ الطيور ان وجد منعا لانتشار الأمراض و الباكتيريا

ج. تغيير الفرش في قاع القفص، أنا شخصياً بفضلا استخدام مناديل المطبخ السميكة في القاع فوق السلك، بالطريقة دي بيكون التنظيف اليومي سهل جداً بمجرد انك تشيل المناديل القديمة و تقوم بتغييرها

تحذير بلاش تستخدم ورق الجرنال في القفص؛ لأن الطيور كائنات حساسة جداً و الحبر في ورق الجرنال بيسبب تسمم و مشاكل تنفسية للطيور، و كمان الطيور أحيانا ممكن تعض في الورق كنوع من اللعب و تبلعه بالغلط و دي مشكلة خطيرة

 تحذير!  بلاش تستخدم الصابون في تنظيف القفص أو أي منظفات كيماوية؛ سامة و مميتة… حتى لو غسلتها كويس جداً فالمواد دي بتترك بقيا احنا مش بنشفها بعينا
استكمل القراءة لتعرف المواد الطبيعية الآمنة لتنظيف القفص و التخلص من الباكتيريا و الأوساخ

:التنظيف العميق

يفضل ان تقوم بالتنظيف العميق للقفص مرة كل شهر بشكل عام… أكثر أو أقل حسب شعورك بإحتياج القفص لذلك

لأن المياة الراكدة بتكون بكتيريا و فطريات. و هتلاقي دائما و انت بتغسلها احساس بشئ لزج و هيدي بتكون الباكتيريا المكونة بالداخل
.فلازم تغسلها و تمليها تاني بمياه نظيفة مفلترة

:عشان تنظف القفص بعمق…هتحتاج
بخاخة –  مياه ساخنة – خل – ليمونة – ليفة جديدة

.شيل كل حاجة من القفص؛ اللعب و الستدات و أطباق الأكل و المياة
باستخدام البخاخة و الليفة، اغسل و نظف كل اللعب و الأطباق و قم بتنشفهم بفوطة أو اتركهم ينشفوا – يفضل في الشمس

نظف القفص جيداً بالليفة و البخاخة، و قم بتنشيفه فوراً عشان ميصديش. و بعد كدا، رجّع كل شئ في مكانه داخل القفص

في حالة وجود بيض بالعشة
 قم بتنظيف القفص بفوطة مبلولة، و بعد كدا نشفه بفوطة ثانية، منغير ما تلمس العشة أو تحركها «

bathtub

:الاستحمام

لوالقرأ المقال السابق عن تربية و رعاية البادجي الاسترالي، هتلاقي ان كلامي عن الاستحمام تقريباً هو هو
الكوكاتيل مثل البادجي موطنه الأصلي استراليا، و المياة أو الاستحمام مهمين جداً بالنسبة لهم عشان بتهدي البودرة العلي جسمهم و ريشهم و بتساعدهم على تنظيف و تقليم الريش. غير انها في الحر بترطب جسم الطائر

لوالقرأ المقال السابق عن تربية و رعاية البادجي الاسترالي، هتلاقي ان كلامي عن الاستحمام تقريباً هو هو

و لو قدرت تكتشف أكثر طريقة طائرك بيفضلها للاستحمام، هتستمتع بجد و انت بتتفرج عليه و تشوفه و هو بيلعب اد ايه فرحان و بتحس بعدها انه فعلاً مرتاح و ريشة نظيف و لونة اختلف

في ناس هتقولك حميه كل 4 أيام، و البعض بينصح بأقل أو أكثر
الحقيقة هي ان مفيش اجابة محددة، لأنن عدد مرات الاستحمام و الطريقة المستخدمة، هتعتمد على حجتين؛ أولاً، درجة حرارة الجو، و ثانياً شخصية و تفضيل طائرك الخاصة. أهم حاجة انك تحميه الصبح و في مكان مشمس خاصاً في الجو البارد

طيب ازاي احميه؟

:في 4 طرق ممكن تحمي بيها الطائر، و دورك انك تجرب كل الطرق و تشوف أكثر طريقة يفضلها الطائر بتاعك

:أ. باستخدام زجاجة رش أو بخاخة

معظم طيور البادجي بتحب جداً هذه الطريقة؛
املأ الزجاجة بمياه مفلترة فاترة. و قم برش الطائر بهدوء. لو بدأ الطائر يرفرف بجناحة، و يقلب نفسه بالماء و  حاول الاقتراب من الزجاجة فا دا يعني انه مبسوط و مستمتع جداً، و انت نفسك هتستمتع و انت بتتفرج عليه

لكن لو لقيته بدأ يطير بعيد عن مصدر المياه و حاول يهرب منها يبقا توقف قليلاً، و حاول مرة أخرى، لو فضل يهرب يبقا وقف و المرة القادمة جرب تستخدم أحد الأساليب الأخرى، و تذكر دائماً أن علاقتك مع الطيور هي علاقة ثقة متبادلة. فمتتجبرش الطائر على فعل أي شئ بالغصب أو القهر أبداً

:ب. استخدام طبق المياة التقليدي

.فقط املأ طبق من أطباق الأكل شوية صغيرة من المياه، و خذ بالك ميكنش عميق عشان ممكن الطائر يقع فيه و يغرق نفسه فا دائماً احترس.  و ممكن تحط شوية بقدونس في المياه. هتلاقي الطيور بتشرب من الطبق و بتنزل ديلها و جسمها في المياة و بتغني و مستمتعة جداً

:ج. استخدام الحنفية المفتوحة

الطريقة دي برجحها أكثر بعد ما تكون الطيور ولفت عليك
خذ الطائر عند الحوض بعد التأكد من انك شلت أي شئ ممكن يكون خطر عليه… اغلق الحوض بالسدادة و افتح الحنفية و خلي المياة فترة

:د. استخدام بعض الخضرة المبلولة

بالضبط زي ما قرأت. هتغسل الخضرة، سواء كانت بقدونس أو جرجير أو غيره. و تحطهم مبلولين فوق القفص أو في أي مكان في القفص بحيث ان الطيور تقدر تقف عليه. مفيش طائر مش بيستمتع بالإستحمام بهذه الطريقة… هتلاقيه بيقلب نفسه في المياه و يفرفر جناحة و يتقلب و شكلهم بيكون مضحك جداً

 حاجات ممكن تشوفها بسيطة جداً، بس بتسعد الطائر و بتحافظ عليه و على حالتة الصحية و النفسية، فجرب كل الطرق و راقب طيورك و اعرف كل واحد فيهم بيفضل ايه

:النوم

 يحتاج الكوكاتيل من 10-12 ساعة من النوم المتواصل يومياً
قلة النوم بتأثر صحة الطائر العامة و كمان بيأثر جداً على مزاجهم و سلوكياتهم، زي أي كائن حي بما فيهم احنا البشر لو منتش كويس بتتعب و ممكن تنزعج جداً من أبسط الأشياء

:أشياء يجب مراعتها وقت النوم

لازم يكون المكان هادئ و مظلم وقت النوم لكي يستطيع الطائر انه ينام
بعض الناس بتنصح بتغطية القفص وقت النوم، لكن بخبرتي الشخصية ان الطريقة دي مش بتتناسب مع كل الطيور، يعني فيه طيور بتشعر بالأمان لما بنغطي القفص بالليل و علي العكس فيه طيور ممكن يحصلها ذعر و بتخاف جدا منه. فا دي نقطة ترجع لطبيعة و شخصية الطائر بتاعك.
مع مراعاة عدم تغطية القفص في الصيف عشان الحر و قلة الهواء ممكن تخنق الطائر لقدر الله

  :الطعام و الشراب، و النظام الغذائي للكوكاتيل

يعتمد النظام الغذائي للكوكاتيل على أنواع مختلفة من البذور و الفاكهة و الخضراوات. للأسف ناس كثير بتستسهل تقديم البذور فقط للببغاء الشئ البيخلي الطائر عرضة لمشاكل صحية كثيرة و بيقصف عمره. فا لازم نقدمله دائماً نظام غذائي متوازن. و ان شاءالله هكلمكم عن النظام الغذائي للكواكتيل بالتفصيل في مقال آخر

شكراً لمتابعتكم و أتمنى أكون قدرت أفيدكم… لو عندك أي أسئلة، متترددش انك تبعتلي و أنا هحاول دائماً أرد على كل الأسئلة... هتلاقوني دائماً موجودة للرد على اسئلتكم على صفحة الفيسبوك أو انستجرام
و لو حابب تتابعني و تعرف نصائح مختلفة عن تربية حيواناتك الأليفة و تتابع كل المقالات الجديدة، اضف بريدك الالكتروني و انضم لنا  أو تابعني  على صفحة الفيسبوك و بينتريست و اينستجرام


موضوعات أخرى

About Us

I started this blog because I wanted to create a community for animal lovers, and hopefully my experience would help you guys with every little aspect about your Furry and Feathered friends; from training, to communication, health, diet and much more.

More About Us

تواصل معي

  • Petsoholic@gmail.com
Categories
قطط عربي

كيف تستعد لاستقبال قطة جديدة في البيت ؟

قطة جديدة - Cat - Petsoholicقررت تجيب قطة جديدة؟ طيب تستعد ازاي؟ و ايه الحجات الهتحتاج تجيبها قبل ما تيجي البيت؟

انك تجيب قطة جديدة البيت، بالذات لو بقالك فترة نفسك فيها و بتخططلها…بتبقا فترة حلوة جداً بالنسبة لنا…لكن بالنسبة للقط أو القطة الجديدة، بتكون فترة صعبة و مخيفة جداً مهما كان سنها، لأنها فجأة بتسيب أمها و أخوتها، و البيت و المربي و الروائح المعتادة عليها، و فجأة بتلاقي نفسها في مكان جديد مع ناس جديدة و كل حاجة مختلفة
و مع الاختلاف حسب شخصية كل قط أو قطة؛ ففي قطط بتتعود بسرعة و قطط بتحتاج وقت أطول لتتأقلم مع الوضع الجديد… عشان كدا لازم نراعي دا جداً في تعاملنا معهم، و لو عندك أطفال بالبيت لازم تتفق معهم و تعلمهم يكونوا هادئين في التعامل بالذات في أول اسبوع إلى اسبوعين من استقبال القطة

  استعد من بدري، و متستناش ليوم ما تجيب القطة عشان تجهز البيت و تجيب لوازمها؛

:تأمين البيت للقطة

بعض النباتات سامة للقطط، فلو عندك نباتات في البيت، تأكد انها غير ضارة للقطط و ابعد أي نباتات مضرة من أي مكان القطة ممكن توصله 

،لو عندك حجات ثمينة ممكن تتكسر، ارفعها في مكان عالي مؤقتاً لحد ما تفهم شخصية و طبيعة قطتك الجديدة، و كمان لحد ما القطة تحفظ البيت و تتعود عليه 
منعا لأي حوادث ممكن تحصل، زي التعامل ما بنتعامل مع الأطفال بالضبط

.متسبش أي كبس في فيشة الكهربة و خلي بالك من الأسلاك – لأن القطط الصغيرة بالذات ممكن تلعب أو تعض في السلك و تتكهرب 

اغلق النوافذ – لأن معظم القطط بتحب تتفرج من الشباك، لكن لو القطة لسة صغيرة أو مبتعرفش تتحكم كويس في نفسها، أو  لسة متطمنتش للبيت و اتخضت 
.مثلاً من حاجة فجأة ممكن تجري و تنط أو تقع من الشباك. فا دائماً اغلق النوافذ، و متسبهاش لوحدها في البلكونة لحد ما تحس انها مستعدة أو مفيش خطر عليها

متسبش أي حاجة حادة زي السكاكين و المقصات و غيرها، أو أشياء صغيرة ممكن القطة تبلعها بالغلط و هي بتلعب  في أماكن القطة تقدر 
.توصلها عشان متئذيش نفسها

:صندوق نقل القطةقطة جديدة - cat carrier - Petsoholic

هتحتاج الصندوق كثير. أولاً لنقل القطة البيت لأول مرة، و بعدها هتحتاجة كثير في زيارات الطبيب البيطري، و في أي وقت هتحتاج تنقل القطة أو تاخدها معك لأي مكان. فاختار نوع كويس يستحمل الوزن، و حجمة مناسب لحجم قطتك لحد ما تكبر. و يكون حمول عشان يعيش معك. و كمان يُفضّل تحط في الصندوق ملاية صغيرة طرية لراحة القط

:أطباق الأكل و المياه

:اسأل المربي عن أنواع الأكل ال-القطة متعودة عليه 

مهم جداً في الفترة الأوللى بالتحديد انك تعرف هي متعودة على ايه، حتى و لو كان الأكل المتعودة عليه غير صحي لها. بس لو فجأة غيرت نظامها الغذائي ممكن يحصلها مشاكل هضمية و يجلها اسهال. عشان كدا أفضل انك تحطلها الأكل الكانت متعودة عليه في الفترة الأولى، و تبدأ تدريجياً تغيره أو تضيف عليه واحده واحده
و طبعاً مهم جداً تعرف ان القطط  صعب ارضاءها و تعودها على الأكل بسهولة. فا كل ما هتعودها على أنواع الأكل المختلفة من و هي صغيرة، كل ما هيسهل عليك حجات كثير قدام

خلي بالك – استخدام الأكل الناشف كوجبة أساسية للقطط ضار جدااااً، و هشرحلكم أكثر بالتفصيل في موضوع آخر لما نتكل عن النظام الغذائي الصحيح للقطط

قطة جديدة - Food bowl - Petsoholic:أطباق الأكل و المياه

تجنب الأطباق البلاستيك – أنا عارفة ان معظم أطباق أكل القطط البنشفها في المحلات هي البلاستيك، و بنجبهم لأنهم عمليين و مش بيتكسروا بسهولة.  بس للأسف دا مش أحسن اختيار خاااالص لأسباب كثير؛ فبعض القطط عندها حساسية من البلاستيك، و مع الوقت ممكن يتسبب في ظهور مشكلة جلدية حول منطقة الفم، حاجة شبه الحبوب أو الدمل بتظهر حول الفم و الذقن و الشفة. دا طبعاً غير ان البلاستيك بصفة عامة عنده قابلية عالية لتكوين الباكتيريا مع الوقت حتى مع التنظيف الجيد، و البتكون مضرة جداا عليهم. كمان لو سخنت الأكل فيه بيتفاعل مع الأكل و ممكن يسبب سرطانات و العياذ بالله للإنسان و الحيوان. و غير طبعاً ان بصفة عامة البلاستيك مضر جداً للبيئة و لو اتكلمنا عن أضراره هيحتاج موضوع كامل لوحده

أفضل أنواع أطباق للحيوانات الأليفة، حسب ما نصح به الأطباء البيطرين هم؛ الستانليس و السيراميك، لكن من وجهة نظري الشخصية فالستانليس عملي أكثر لأنه حمول، و ميتكسرش زي السيراميك. و كمان تنظيفه  و سهل و مش مكلف

:عدد الأطباق 

القطط لا تحب المشاركة مع القطط الأخرى. فلو عندك أكثر من قطة، لازم كل قط يكون له طبق أكل و طبق مياه خاص به. و إلا بتزيد العصبية و الخناق بينهم

:متقدمش الأكل في طبق مش نظيف 

القطط بطبيعتها حيوان نظيف و انف جداً، فا متحطش الأكل للقطة في طبق مش نظيف. لأن الباكتيريا و الجراثيم الموجودة بالطبق هتئذي القط. الطبق المتقدرش تاكل انت فيه، متحطوش للحيوان
و يفضل غسل الأطباق بالماء و الخل و الملح بدل صابون الأطباق الا في الاضطرار. لأن الصابون بيترك بقايا كيماوية مضرة. فيفضل استبدالها بالخل البيقتل الباكتيريا و الجراثيم بطريقة طبيعية و آمنة

:صندوق الفضلات، الفرش (الرمل)، و الجاروف

متنساش مهم جداً  تجيب طبق الفضلات، و الفرش و الجاروف المخصصو تحدد المكان الهتحط فيه الصندوق  قبل ما تيجي القطة. لأن أول شئ لازم تعمله أول ما القطة تدخل البيت هو؛ انك تخليها تشوف و تشم طبق الرمل هشان تعرف مكانه و بالتالي يكون أسهل كثير تدريبها عليه

قطة جديدة - litter essentials - Petsoholic:صندوق الفضلات 

طبعاً أنواع و أشكال الصناديق مختلفة، و لازم تختار الشكل و الحجم المناسب لك و لقطك
،لكن، القاعدة العامة هي؛ ان عدد أطباق الفضلات يكون ضعف عدد القطط في المكان
بمعنى؛ ان لكل 1 قط = طبقين
 بالذات لو البيت كبير، و يتفرقوا بأماكن بعيدة عن بعض. لكن لو بيتك مساحتة صغيرة فطبق واحد يكفي لكل قط
أهم شئ ان كل قط بالبيت يكون عنده طبق فضلات خاص به، لأن طبق الفضلات بالنسبة للقطط هو أكثر من مجرد مكان الحمام بتاعه. و هشرحلكم الموضوع كمان في مقال خاص عن طرق تدريب القطط الصحيحة لإستخدام طبق الفضلات و ايه هي الحجات الممكن تخلي القط فجأة يقرر يبطل يستخدمه

:حجم صندوق الفضلات 

حجم الصندوق لازم يكون مناسب لحجم قطك و هو بالغ. عشان يعيش معاه و متضطرش تجيب واحد جديد لما القط يكبر
لازم الطبق يكون كبير كفاية بحيث ان القط يكون عنده مساحة كافية للحركة و الحفر فيه. و كمان لازم تراعي انه يكون سهل على القط الدخول و الخروج منه
فمثلاً لو عندك قطة صغيرة، أو قطة سنها كبير، أو قطة عندها مشاكل في المفاصل أو مشاكل صحية معينة، لازم تراعي انك تجيب طبق مدخلة واطي للأرض بحيث انك تسهل على القط

قطة جديدة - Cats Litter - Petsoholic:الفرش/الرمل 

 أنواع الفرش كثير و مختلفة، ففي أنواع كلامبينج، و كريستال، و أنواع مصنعة من الورق المعاد تصنيعة و غيرهم الكثير. و في الحقيقة، انه بشكل عام اختيار النوع المفضل يرجع لتفضيلك الشخصي انت و القط بتاعك،  ولكن في  ۳ نقاط أساسية يجب مراعتها، و هي؛

أ.  ممنوع تماماً استخدام رمل الشارع لقطط البيت لأسباب كثير جداً، و أهمها؛
ان رمل الشارع مش بيكون نظيف، بمعنى انه بيكون حامل لجراثيم و أمراض ممكن تئذي قطك و تئذيك انت كمان. دا غير طبعاً انك هتواجه مشكلة كبيرة مع الريحة  و التنظيف و الرمل البيلزق في رجلين القطط… فا موضوع رملة الشارع ممنوع تماماً استخدامه داخل البيوت

.ب.  معظم القطط بتفضل الفرش بدون روائح اضافية، زي الأنواع البرائحة الليمون و الفراولة و غيرها. بالأخص لو القط عنده هيمنة عليا

ج. لو القط كان عايش عند حد ثاني قبل ما يجيلك، و متعود على نوع فرش معين، فيفضل استخدام نفس النوع الهو متعود عليه. و لو قطك متعود على نوع معين من الفرش، بلاش تغيره كل شوية الا لو حسيت ان قطك مرتاح أكثر للنوع الجديد. و طبعاً “بنوع” مقصدش نوع البراند بتاعه، أقصد نوع و حجم الفرش نفسه

قطة جديدة - Bad smelly litterbox:تنظيف الطبق أو الصنوق باستمرار 

مهم جداً جداً جداً تنظيف الطبق يومياً. و لو بتستخدم الأدوات الصح فعملية التنظيف هتكون سهلة بمجرد انك تشيل الحجات الفي الطبق بالجاروف و تترك باقي الرمل زي ما هو.. لازم تعرف ان القطط بتكره الريحة الكريهة و لو تركت الطبق مش نظيف ممكن تعمل خارجه كسلوك اعتراضي… دا غير ان الرائحة بتكون كريهة جداً و القط لما بيدخل الطبق و يدوس على الحجات بتعته و بعد كدا ينطلق داخل البيت… فبلاش تهمل في تنظيفه

? :مفيش حاجة بتستخبا… فمتخبيش الطبق 

.تحديد مكان صندوف الفضلات مهم جداً في تشجيع أو تكريه القط على استخدامه
قطة جديدة - My Litterbox_Petsoholicفمينفعش تحطة في آخر البيت، ولا تحت الكنبة، ولا في أي مكان مهجور أو صعب على القطة الوصول له، لأن القطط مبتحبش الخصوصية الزائدة فيما يتعلق بقيام حاجتها. و مع  الوقت ممكن تكسل تستخدمه و تستسهل أماكن ثانية في البيت
الطبق لازم يكون في مكان معيشة. ممكن في الحمام لكن في مكان واضح، أو في المطبخ مثلاً، أو أي مكان تحبه بس يكون سهل الوصول له. و بالنسبة لموضوع الريحة فلو الطبق بينظف باستمرار زي ما اتفقنا، و القط أكله صحي، فمش هتواجه أي مشكله مع الريحة. و كمان دلوقتي أصبح في أنواع أطباق بغطاء بلاستيك  و به فتحة لدخول و خروج القط بسهولة زي الفي الصورة دي.. أنا شخصيا برجح النوع دا من الأطباق جدا لأنك مش بتشوف الحجات و لا بتشم ريحة إلا لة ريحة قوية بسبب عدم تنظيف الطبق، و دا النوع الأنا شخصياً بستخدمة مع قطتي

  ?…القطط لا تقدر الخصوصية فيما يتعلق بقضاء حاجتها

قطة جديدة - Hugzy - Scratch house - Petsoholic

:عمود خدش

.الخدش فطرة في القطط، و مهم جداً بالنسبة لهم و فوائدة كثيرة. فمهما حاربت و زعقت.. للأسف مضطرة اقولك ان قطك هيفضل يخربش
عشان كدا لازم تجيب عمود أو سجادة خدش.. و ممكن بسهولة تصنعة بنفسك لو مش حابب تشتري بحجات بسيطة جداً، المهم انه لازم يتواجد، عشان طريقة تدريب القطط الصح هي طريقة اسمها؛
The YES & NO training method
يعني بتدربها ان الخدش ممنوع هنا بس مسموح هنا. و يتم وضعه بالضبط جنب المكان الهتلاحظ انها دائماً بتخربش فيه، والعادتاً بيكون أكثر مكان انت بتعد فيه في البيت، و دا البنسميه تعديل السلوك
راقب قطك و اعرف هو/هي بتحب تخربش في حجات أفقية ولا عمودية، و ايه نوعية الحجات البتخربش فيها يعني قماش مثلاً ولا خشب ولا ورق الحيطة و غيره،  و على الأساس دا تجبلها أو تعملها مكان الخدش المناسب لها
و بشكل شخصي أنا بفضل بيت الخدش الكبير مثل الصورة أمامكم، لأنه بيعطي القطة مساحة انها تخربش و تلعب بأشياء و أحجام و اتجاهات مختلفة، دا غير ان القطة بتستمتع به جدا و بتحس ان لها مكان خصوصي آمن و بتعها هي بس

:أدوات التقليم

  :هتحتاج؛ فرشة، و مشط قطط، و قصافة أظافر

أ.  تسريح أو تمشيط شعر القطة باستمرار مهم جداً جداً لأنه بينشط الدورة الدموية في جسمهم، و بيحمي شعرهم من التعقيد و التكتل، و بيقلل وقوع شعر القطة
و انتشاره في كل مكان
?و طبعا أي حد عنده قطة أكيد عارف مأساة انتشار الشعر و بالأخص على هدومك أكيد الموضوع غني عن التعريف
!دا غير كمان انه بينشط الدورة الدموية في جسمهم و معظم القطط بتستمع جدا بانك تمشطها… بس مهم تعودها من و هي صغيرة

قطة جديدة - cat nail - petsoholic

ب.  قص ظوافر القطط الأمامية في اليدين مهم كمان للقطط البتتربى داخل البيت. بس خلي بالك ان لو قطك بيطلع بره البيت مينفعش تقصله ظوافره لأنها وسيلة دفاع عن النفس و بتحميه من حجات كثير
و بلاش تقص ظوافر القط بنفسك غير لو عندك خبرة كافية، عشان ظوافرهم مش زينا.. ظفر القط بداخلة جزء زي لحمة فيها أوعية دموية، فلو قصيته أكثر من اللازم ممكن تعوره

:ملحوظة مهمة

 أ.  في ناس بتهمل في قص الأظافر متخيلة انه أفضل تترك القط على طبيعته زي ما خلقه ربنا. و دا فعلاً حقيقي في حالة ان القط يكون بيخرج برة البيت. لكن لو القط مش بيطلع بره، فا قص الأظافر مهم جداً لأن الظفر ممكن يطول أكثر من اللازم و يوجع القط جدا و ممكن يسببله تشوهات مع الوقت
ًب.  قص أظافر القطط مش بيقلل من الخربشة، لأن الخربشة دي سلوك فطري في القطط و له أسباب كثير زي ما حكينا من شوية. لكن قص الظفر طبعا بيقلل منها لأن القطة بتكون مرتاحة و مش محتاجة تخربش الا لو للفت الانتباه. و بردو لما بتخربش الأظافر مبتكنش حادة و بالتالي مبتنتش الحاجة أو تخربها

  قطة جديدة - Playful cat - Petsoholic:اللِعَب

تحتاج القطط لتدريب يومي عشان تطلع الطاقة الجواها. الطاقة دي عادتاً في الطبيعة بتطلع عن طريق الصيد و غيره. و بتفرق مدة التدريب حسب نوع القطة أو سلالتها
ناس كثير بتشتكي من عنف قطتها، و مش عرفين ان من أهم المسببات للعنف في القطط هي عدم تحفيزهم أو اللعب معهم. بالضبط زي الطفل ال-لو مخرجش الطاقة الجواه بيبدأ يسرخ و يتنطط في كل حته في البيت
.و استخدام اللعب هي طريقة من الطرق البتحفذهم جسدياً و عقلياً
وكمان بتزيد أهميتها لو انت شخص بيشتغل كثير أو مبتعدش كثير في البيت، فا بالتالي انت محتاج تعوض وجودك بألعاب مختلفة عشان القطة متزهقش أو يجلها اكتئاب، و الممكن مع الوقت يقلب لعنف

قطة جديدة - petmd-cat-fighting - petsoholic:طيب لو عندك حيوان ثاني، ازاي هتعرفهم على بعض

لو عندك حيوان ثاني سواء كان قط، أو حيوان آخر. مينفعش فجأة تواجهم ببعض و إلا التعارف ممكن يحصل فيه مشاكل كثير. و دي غلطة بنقع فيها كثير. لازم الموضوع يكون تدريجي، و لازم القط أو القطة الجديدة تتأقلم بالبيت و تبدأ تطمنلك وتثق فيك أولاً، بعد كدا تبدأ تعرفها بالحيوانات الأخرى  بطريقة معينة هنتحدث فيها بالتفصيل و بالخطوات في موضوع آخر انشاء الله

و كمان لازم تطمن على صحة القط الجديد، و تتأكد انه أخد كل تطعيماته قبل ما تدخله مع باقي الحيوانات العندك، عشان لو عنده أي مشاكل صحية ميعديش الباقي
و دا الهيجبنا للنقطة البعدها، و هي؛

قطة جديدة - Vet icon - Petsoholic:زيارة الطبيب البيطري

أياً كان عمر القط الجديد، لازم قبل ما تستقبله بالبيت تسأل الشخص الهتاخده منه لو اخد التطعيمات ولا لأ. و لازم توديه للطبيب عشان تتأكد ان كل حاجة تمام و تسأل و تفهم من الدكتور كل حاجة عن التطعيمات اللازمة و أسبابها و كل حاجة محتاج  تعرفها. و لو مش ناوي تجوز القط أو القطة فكمان هتحتاج تسأل عن عمليات التعقيم و غيره

:و أخيراً

متستعجلش، متخدش الأمور بسرعة و متعنفش أو تجبرالقط الجديد على شئ. خد الموضوع تدريجي و بالراحة و علم قطك ازاي يثق فيك.  لو  القط حابب يكون لوحده سيبه، و لو مش حابب انك تشيله دلوقتي متمسكوش بالعافية، و متسمحش لأي حد يدايقة و دائماً احميه  و افهم طباعه و اقرأ كثير
معظم القطط الصغيرة بتتعود بسرعة على المكان و الصاحب الجديد. لكن كل ما عمر القطة بيكون أكبر كل ما في الغالب بتاخد وقت أكبر نسبياً عشان تتعود عليك. بالذات لو كانت مرت بتجارب سيئة من العنف و الاهمال أو التدريب الخطأ في السابق،  فهتحتاج منك وقت و مساحة كافية لحد ما تتطمنلك انك شخص جدير بالثقة

:هحكيلكم قصة طريفة و قصيرة

حصلت مع قريب لي بسبب انه محاولش يقرأ او يتعلم أي شئ عن القطط قبل ما يجيب قطته و اعتمد على كلام الحواليه فقط
كان القط عمره حوالي 3 أشهر، و القط حبه جداً و صاحبه، بس كل يوم في وقت معين بييجي قريبي يقرب منه يطلع القط يجري! مع ان القط كان بيحبه جدا. فا اتصل بي و كان متغاظ جداً، بيسألني ليه دا بيحصل؟ هو كان متخيل ان القط بيجري عشان خايف منه، فسألته شوية أسئلة و في الآخر  قلتله على فكرة.. هو مش بيجري منك هو بيلعب معك و عيزك تجري وراه
? بعد ما قفلنا المكالمة بعتلي قالي ان القط طلع فعلا عايز يلعب معاه.
فا شوفو قد ايه مهم نفهم الحيوان البنربيه حتى في أبسط الأمور، فما بالكم بقا في الأمور المتعلقة بصحة و سلامة الحيوان؟

 أتمنى أكون قدرت أفيدكم… لو عندك أي أسئلة، متترددش انك تبعتلي و أنا هحاول دائماً أرد على كل الأسئلة… هتلاقوني دائماً موجودة للرد على تعليقاتكم هنا، أو لو محتاجين رد لحظي ابعتولي على صفحة الفيسبوك أو انستجرام
و لو حابب تتابعني و تعرف نصائح مختلفة عن تربية حيواناتك الأليفة و تتابع كل المقالات الجديدة، اضف بيردك الالكتروني و انضم لنا  أو تابعني  على صفحة الفيسبوك   بينتريست و اينستجرام

:ربما يعجبك أيضاً

كيف تختار الحيوان الأليف المناسب لك؟
Why should you never feed your cat a Dry Food ONLY diet?
What happens if a kitten is separated too early from its mama?
How to litter box train your cat or kitten?
11 things to consider before choosing your First Pet

Categories
Home طيور

تربية و رعاية طائر البادجي

معلومات أساسية

.البادجيريجار. معروف باسم؛ البادجي، طيور الحب، أو الاسترالي
.(Melopsittacus Undulatus) الاسم العلمي: ميلوبسيتاكوس وندولاتوس
.الموطن الأصلي: قارة أستراليا
.الحجم: يتراوح بين 15 إلى 20 سم
.متوسط العمر: 6 – 10 أعوام

هل تعلم؟

  أكثر بادجي عاش في العالم حسب ما رصدت “جينيس ريكورد” كان اسمه “شارلي” عاش في انجلترا و بلغ من العمر 29 عام

طيب، ايه هو البادجي؟

البادجي أو الاسترالي هو؛ أصغر نوع من أنواع الببغاوات. و مثل باقي الببغاوات. فمنقاره منحني، و بيكون المنقار العلوي أطول قليلاً من السفلي، و القدم بها 4 أصابع؛ 2 للأمام و 2 للخلف

.و هو من أشهر أنواع الطيور البيربيها الإنسان كحيوان أليف، تماماَ بعد القطط و الكلاب
بسبب طبيعته الإجتماعية، صغر حجمة، و سهولة تربيته و تزاوجه البيخليه دائماً متاح بمحلات الحيوانات الأليفة  بأسعار بسيطة. الحاجة البتخلي ناس كثير تشتريه بإندفاع، بعد ما تسأل البائعين كام سؤال، ال-للأسف بيتعامل معظمهم مع الحيوانات كمجرد سلعة للتجارة، مش روح أو مخلوقات لها حق و احتياجات خاصة، وللأسف معظم معلوماتهم بتكون غلط. فبيشتري الطائر بدون ما يعرف أي شيء عن طريقة تربيته الصحيحة.. وهوب جبنا البادجي! حبسناه في قفص صغير، بشوية حبوب و مياه
و طبعاً بعد فترة بيزيد توتر الطائر و توتر صاحبة بسبب الرعاية الخاطئة، و يبدأ يكتشف انه غير قادر على متابعة احتياجاته، فيوديه لحد ثاني يرعاه، أو يفتحله باب القفص “عشان يطير” و دا طبعاً خطأ و ظلم أكبر للطائر،  لأن اللأسف بهذه الطريقة هو بيقتل الطائر قتل غير رحيم، فيا بيموت بسبب عدم قدرته لجلب الطعام و الشراب،  يا بيدخل بلكونة شخص آخر، و لو كان رحيم كفاية بيدخله البيت ليرعاه.
عشان كدا مهم جداً جداً تقرأ و تتعلم في الأماكن الصحيحة قبل شراء أي حيوان أليف

أسوأ حاجة ممكن تعملها لأي حيوان هي انك تاخد معلومات من التجار… على عكس المفروض انهم أكثر ناس على دراية بس للأسف في بلادنا دا مش الوضع لأن معظم التجار (إلا من رحم ربي) حافظين بعض التعليمات الخاطئة تماماً و بيكرروها للناس و إحنا بناخد منهم التعليمات على أساس انهم على دراية و علم و هي معلومات غلط و مؤذية

:مواصفات البادجي

.ببغاء صغير، اجتماعي  و ذكي جداً. قادر على تقليد الأصوات و بعض الكلمات، لو اهتميت بتدريبه بالطريقة الصحيحة
.و عادتاً بيكون الذكر اجتماعي أكثر من الأنثى و قدراته الصوتيه أقوى بكثير

و البادجي طائر رومانسي جداً فهو من الطيور “أحادية الزواج” يعني بيرتبط بزوجته مدى الحياة. و ارتباطة بأفراد سربة قوي جداً. فعندما يرتبط طائرين ببعض لا يجوز تفرقتهم أبداً لأنهم بيصابوا باكتئاب، و لا ينصح تماماً انك تربي طائر واحد لوحده

البادجي طائر مسالم جداً، و الطيور بصفة عامة معندهاش سيطرة أو  ترتيب قيادي للسرب، كلهم زي بعض، و لكن ممكن يحدث خلافات بين أفراد السرب قد تؤدي لموت أحدهم في بعض الحلات؛
.للأناث: في حالة (وجود عش واحد) و أكثر من أنثى في حالة استعداد للزواج أو هتبيض
الذكور: في حالة وجود أنثى واحدة و أكثر من ذكرجاهز -(في وجود العش. و أحياناً بيحصل مشاكل عنف في حالة صغر حجم القفص على عدد الطيور أياً كان النوع

:أنواع البادجي

Australian Budgie Vs English Budgie - Petsoholic

أنواع  أو مسميات البادجي كثيرة، و بترجع لحسب بلد المنشأ

أو المربي، و حسب اللون و الطفرة، و لكن بصفة عامة، في نوعين أساسيين من البادجي، هم؛ البادجي الأسترالي و البادجي الانجليزي. و أكبر فرق بيميز الاثنين عن بعض هو؛ فرق الحجم.. فحجم البادجي الانجليزي بيكون أكبر من الاسترالي مرتين لثلاثة

و الألوان الأساسية للبادجي البري الأسترالي هم الأصفر و الأخضر، ولكن بعد ما بدأ الانسان في ترويض الببغاء و  تربيتة و تزاوجة بدأت تظهر كل  الألوان و الطفرات المختلفة الرائعة من كل الألوان الأخرى. و حتى هذا اليوم، فالألوان الموجودة بالأسراب البرية بأستراليا هم الأصفر و الأخضر فقط

:نوع ريش الكوكاتيل

الريش البودرة؛ من الجدير بالذكر ان هذا النوه من الريش يمكن أن يكون غير مناسب للأشخاص الذين يعانون من حساسية في الصدر

ازاي تختار الطائر و تتأكد من سلامته؟

يفضل دائماً لما تيجي تشتري أي طائر انك تدور أولاً على مربي غير تجاري أولاً، عشان تكون عندك خلفية أفضل عن الطائر و صحته. بالأخص لو انت مبتدئ أو بتربي طيور لأول مرة

:اهتم بالتفاصيل

اختار زغلول (صغير) مفطوم

فكل ما يتربى الطائر و يتعود عليك في سن صغير هيكون أسهل ترويضة و تدريبة


راقب الطائر و حاول تختار واحد نشيط، حركته سريعة، و ميكنش مستقر في قاع
القفص

لأن طبيعة الطيور بتخبي تعبها لحد متصل للمراحل الأخيرة، عشان كدا اختار طائر نشيط و بيتحرك كثير. بيطير من عصل لعصا، و رد فعله سريع. لكن لو حسيت ان الطائر نافخ نفسه, حركته بطيئة و مستقرفي  قاع القفص، دا معناه ان في احتمالية ان الطائر تعبان


ريش الطائر

الريش الصحي دليل على صحة الطائر و اهتمام و رعاية صاحبه له. و العكس صحيح
كل ما  ريش الطيركان  جميل، متساوي  و ألوانة ناصعة، بيكون دليل على صحته. و تأكد من عدم وجود أي بقع صلع بريش الطائر


.تأكد من سلامة منقار و أرجل الطائر

تتميز رجل الببغاء بوجود 4 صوابع. 2 أمامية و 2 خلفية
تأكد ان ميكنش في أي اعاقات بالمنقار و الأرجل و الأظافر. و تأكد ان ميكنش في قشور عليهم


العين؛

تكون مفتوحة و صافية


نوع و نظافة الأكل و المياه، و القفص الموجود فيه الطائر؛

فطبيعي دول أكثر حجات تبين مدى الاهتمام و بالتالي صحة الطيور


و بشكل عام عند شرائك لأي نوع طائر؛

حاول دائماً تسأل قبل الشراء و تتأكد من أمانة التاجر و حسن معاملته لكل الحيوانات العنده
.و حاول تشتري من مربي، مش من بائع عادي لو متاح. عشان تكون متطمن على صحة الطائر، و تتأكد انه مدرب و مش بيخاف من البشر
تأكد أن الطائر تربية مش صيد. لأن الطيور الصيد مشاكلها كثير جداً جداً، دا غير ان الطائر بيكون مقهور و الحبس شبه تعذيب له. و كمان متشجعش على هذا النوع من التجارة لأن للأسف معظم البائعين بيتعاملوا مع الطيور كتجارة و طيور الصيد بتكون سعرها أرخص. و الطيور بتتبهدل و كثير حالتهم بتكون صعبة جداً

مهم جداًل
و عندك طيور أو حيوانات ثانية في البيت، انك تفصل بينهم تماماً في الفترة الأولى من استقبال الطائر الجديد، لحد ما تتأكد ان الطائر بخير و معندوش أي أمراض ممكن تعديلك الباقي

:الرعاية و العناية بالطائر

!و احنا بنفكر في رعاية أي حيوان، لازم تفكيرنا ميكنش مقتصرعلى كيفية ابقاء الحيوان علي قيد الحياة و بس

لازم نفكر أكثر ازاي نسعد الحيوان دا و نعطيه الأشياء الكان هيقدر يخذها في حياته البرية قدر المستطاع، ليستخدم فطرته و قدراته الكامله زي ما ربنا قدرله و هيأه. فكردائماً ازاي تمنحه أفضل قيمة لحياته، اعطيه حق الاختيار و ادرك انك بتتعامل مع روح لها احتياجات و مشاعر… فتعلم كيف تكسب ثقة هذا الحيوان أو الطائر الانت اخترت انك تشيل مسئوليته، و لا تعتذر عن المسئولية، ولو حكمت ظروفك، اوعى تتخلى عنه لأي حد.  متسبوش إلا لحد فعلاً هيراعي ربنا فيه

كثير مننا بيربط رعاية البادجي أو أي طائر بالتزاوج. و للأسف دا كمان شئ غلط لأن مينفش تقوم بتزاوج البادجي غير لما يكون عندك الخبرة الكافية عشان تقدر تراعيهم، و تتدارك المشاكل الصحية لو صدرت، و تطلع سلاسلات قوية و تكون عندك القدرة و الوقت و المساحة الكافية لذلك

و بشكل عام، للحفاظ على صحة الطيور، يفضل عدم وضع العشة أكثر من مرتين في السنة، و تكون في فترة من الربيع الى الصيف (شهور التزاوج) لنجاح العملية
..و موضوع التزاوج يطيل شرحة عشان كدا هنتكام فيه لوحده في موضوع آخر، لكن الهنتكلم عليه هنا هو كيفية الرعاية الصحيحة
طيب كيف تكون رعاية البادجي و ازاي تخليه سعيد؟

:الطعام و الشراب، و النظام الغذائي للبادجي

البادجي من آكلي البذور، بيحبوها جداً، بس مينفعش يعتمد نظامهم الغذائي على الحبوب فقط. لازم تنوع أكلها بين البذور و الخضار و قليل من الفاكهة و البروتين؛

الكالسيوم – مهم جداً و لازم يكون دائماً موجود في القفص
(نصف بياض بيضة مسلوقة – (مرة كل اسبوع

:أنواع البذور المفضلة

(أ. فلارس و خلطة – (اخلطهم على بعض و قدمهم للطائر

ب. دخن

ج. بذور زهرة دوار الشمس (اللب السوري) – مع مراعاة ان البذور دي تعتبر نسبة الدهون فيها عالية للطيور و بالأخص للطيور في الحبس لأن حركتها أقل من الطيور البرية، فا الكثير من لب دوار الشمس ممكن يتسبب في زيادة وزن الطائر و التأثير على صحتة

انصح باستخدامه كمكافئة في وقت التدريب، و يستخدم لتشجيع الطائر للوقوف على اليد و غيره عند التأليف و التدريب

:ولكن بجانب البذور، لازم كمان يقدم أنواع الخضار و الفواكه المختلفة مثل
تربية و رعاية طائر البادجي - petsoholic

(الجرجير (بالأخص في فترة التزاوج •
• بقدونس -اختلفت عليه الآراء لكن الرأي الأقوى ينصح به
ذرة مسلوقة •
أرز مسلوق •
(خيار- (قليل – فالكثير يسبب اسهال •
جزر •
بطاطس•
(بطاطا – (مسلوقة أو عادية •
بروكلي •
(خس – (مش كابوتشي •
كرنب •
عنب •
كيوي •
(تفاح – (بدون بذر •
موز •
(بطيخ – (قليل – الكثير يسبب اسهال •
(برتقال و يوسفي – (بدون بذر •

و غيرهم الكثير، ولكن دي مجموعة اختيارات ممكن تغير فيها… و طبعاً خلي بالك مع الوقت كل ما هتتعرف أكثر على الطائر، هتعرف هو بيحب ايه و بيفضل ايه، لأن كل طائر فرد مختلف عن الآخر، و كل فرد له أكلات بيفضلها عن الأخرى تماماً مثلن

:الأكلات السامة و المضرة للبادجي – تجنب

.الشوكولاته و أي سكريات أو ملح أو بهارات سامة للطائر •
ً.الكافين سام جدا •
.المشروبات الكحولية سامة •
.أفوكادو •
.(بذر الفلفل الأخضر (فيفضل تجنب الفلفل الأخضر في المطلق •
.(البصل و الثوم – (و لكن للثوم استخدامات أخرى وقائية و علاجية سنتحدث عليها لاحقاً •
.بذر التفاح •
.(الأرز الني (الناشف •
.الفول السوداني •
.منتجات الأبان و اللاكتوز •
.ماشروم •

:المياه

يفضل استخدام مياه مفلترة للشرب، لأن الطيور كائنات حساساة جداً، و مياه الحنفية مؤذية جداً لهم لما فيها من ترسيبات و تلوث و كلور و غيره. و يمكن تقديم عصير من الفواكه المذكورة سابقاً للطائر بجانب المياه

هل تعلم؟

في الطبيعة، لا تأكل الطيور من نفس الطعام كل يوم، فكل يوم بتأكل حسب المتاح. عشان كدا حاول دائماً تقدم للطائر أنواع مختلفة و تعود طيورك تأكل كل حاجة. متجبروش على نوع أكل معين، و دي أول خطوة في رابط الثقة بين الطائر و صاحبة
Budgie_Love_Petsoholic

:التفاعل مع الببغاء و الطيران خارج القفص

مهم جداااً انك تعطي الطائر مساحة للطيران خارج القفص لمدة ساعة على الأقل يومياً مهما كان حجم القفص
فقلة الطيران بتسبب مشاكل كثير جداً صحية و نفسية للطائر زي الاستسلام و الاكتئاب، و السمنة و مشاكل في النظام التنفسي، عشان كدا للأسف معظم الناس البتربي طيور بتتفاجئ بموتها خلال عام أو اثنين.، متخيلين خطاً ان دا متوسط عمرهم
فتخيل لو عشت عمرك كله محدود الحركة داخل قفص صغير. و اه أنا بشبهنا بالطيور لأنهم شبهنا أكثر مما نتخيل

بس قبل ما تطير الطائر، لازم تاخد بالك ان الشبابيك مغلقة، و ان مفيش أي حاجة خطر في الغرفة ممكن تئذي الطائر
و قريباً في مقالة أخرى هكلمك بالتفصيل عن كيفية الاستعداد لللإستقبال أي طائر بالبيت

:حجم القفص و بعد مسافة السلك

:أ. حجم القفص

القاعدة الثابتة عند شراء أي قفص لأي طائر هي؛ أن يكون حجم القفص ضعف حجم الطائر و جناحاته مفرودة و لازم يكون للطيور مساحة من الوقت للطير خارج القفص يومياً

“مفيش قفص كبير كفاية… بس أقفاص كثيرة ممكن تكون أصغر من اللازم”

فمن المعلومات الخاطئة الهتسمعها من البائعين؛ ان “البادجي” لازم يكون في قفص صغير عشان التزاوج! خطأ تمامااااا، فالطيور بتتزاوج بحرية خارج و داخل القفص فقط عندما تريد و تكون على استعداد و تكون متطمنة بالعشة و في المكان. أي تصرف مختلف بيكون لقلة الحيلة و الشعور بالإستسلام لقلة المساحة المتاحة للحركة

فقط لأنهم طيور صغيرة، دا لا يعني انها لا تحتاج مساحة كبيرة للطيران و الحركة. البادجي طائر لعبي و نشيط و بيحب الحركة و الطيران، و النط من فرع للآخر. فلازم تعطيه المساحة الكافية لذلك

أصغر حجم مناسب لقفص البادجي كما نصح به المتخصصون للطائر الواحدهو؛
45.72 سم X 45.72 سم
.و كل ما زاد عدد الطيور، يكبر حجم القفص بنفس النسبة

round cage warning
تحذير!  تجنب شراء القفص المستدير

بالرغم من انتشاره، الا انه يعتبر ن أسوأ أنواع الأقفاص مهما قالك البائع انه مستورد أو غيره. الطيور بتحتاج لوجود أركان بالقفص. القفص المستدير بيزيد من توترهم و عنفهم بشكل كبير

الطيور بتحب تتجه للأركان عند الشعور بالخوف أو القلق. والقفص الدائري لا يعطيها هذه الفرصة مما يزيد شعورهم بالخوف و التوتر

:ب. بعد مسافة السلك

 بعد مسافة السلك في غاية الأهمية. عشان لو المسافة كبيرة أو أوسع من الحجم المناسب للطائر، ممكن يزنق راسه بين السلك الشئ الممكن يتسبب في خنقه أو موته
بالنسبة للبادجي، فالمسافة المنصوح بها هي؛
سم1.5875 – 1.27سم

:اللعب و الحوامل و الستاندات

Budgies toys

أنواع لعب الطيور كثيرة و مختلفة. بس مش دائماً بتكون متاحة في بلادنا بالأخص للطيور الصغيرة
اللعب و الستندات مهمة جداً بالنسبة للطيور. و معظم البائعين لو سألتهم هيقولولك ان البادجي مش محتاج لعب و دي من أكثر المعلومات المخطوءة المنتشرة بين البائعين في البلاد العربية أو على الأقل في مصر

قلة وجود الشئ بيحفذ على الابتكار. فلو انت مستغلي اللعب المتاحة أو مش لاقي لعب حلوة و آمنة على الطائر، ممكن تعملهم بنفسك في البيت من أشياء بسيطة و متاحة عندك. لو دخلت على اليوتيوب هتلاقي حجات كثير جداً ممكن تعملها و مش هتكلفك أي حاجة

:أنواع الستندات أو الحوامل المريحة و الصحية لقدم الطائر

الستندات المتعارف عليها للطيور صغيرة الحجم في بلادنا هي الستندات البلاستك، و العادتاً بتكون أحجامها متقاربة، و سبب انتشارها هو بساطة أسعارها و قلة المعرفة بالمشاكل الصحية المترتبة عليها

الستندات هي ممكن تكون أكثر شئ مهم رعايته في تربية الطيور بعد الاهتمام بالنظام الغذائي. لأن الستندات هي أكثر شئ بيقف عليه الطائر معظم اليوم لو مش اليوم كله. فلازم الستاندات الهتجبها تكون؛

:أ. أحجامها مختلفة

مما يماثل غصون الأشجار و اختلاف أحجامها… فلو الطائر عاش معظم حياته بيقف على ستندات بنفس الحجم و المادة… و بالتالي نفس حركة قفل القدم حولها. فا دا بيسبب ألم شديد و ممكن يبدأ يحصل مشاكل لقدمه زي؛  القروح و بعض التشوهات

:ب. مريحة

أفضل أنواع الستندات هي الخشب و الحبال، باختلاف أشكالها و أحجامها و نوعية الخشب المستخدمة

:ج. تجنب الستندات البلاستيكية قدر المستطاع

مثل ما ذكرنا ان؛ مشاكل الستندات البلاستك كثير، و استخدامها مؤذي جداً لقدم الطائر بالرغم من انتشارها
أولاً؛ غير مريحة تماماً لقدم الطائر و مع الوقت بتسبب مشاكل كثيرة مثل القرح و غيرها كما ذكرت سابقاً
ثانياً؛ معظمها لا يساعد الطائر على برد أظافره
ثالثاً؛ استخدام مادة البلاستك بصفة عامة بتكون عرضة للتفاعل و لم الباكتيرا أكثر، بالذات ان عادتا معظم التجار المعنهمش أمانة بيشتروا أردأ الأنواع
و بما ان الطيور بتحب تعض في الأشياء لبرد منقارها، فتدخل قطع صغيرة جدا من البلاستك في بطنها مما قد يقصف عمر الطائر

فلو اضطررت لاستخدامها، على الأقل ضعها في القفص من تحت و خلي الستاند الخشب هو الفي أعلى القفص. لأن الطيور بتمضي معظم الوقت في أعلى القفص إلا لو نزلت للحركة أو الأكل أو غيره

:اللعب
ايه اهمية اللعب؟ و ايه أنواع اللعب المختلفة الممكن نجبها للبادجي؟

اللعب للطيور مش مجرد لعب بالمعنى المتعارف عليه

فمن المفترض انها تعادل أشياء بيعملها و يستخدمها الطائر في الطبيعة، مثل استخدام المنقار في الخشب و استخدام ذكاؤهم في البحث عن الطعام، و أشياء أخرى كثيرة… فأهمية اللعب هي انك تخلي الطائر يستثمر كل قدراته الجسدية و العقلية على أكمل وجه كما خلقه الله لذلك

ففي الطبيعة، تستثمر الطيور معظم وقتها في البحث عن الطعام بالطيران من مكان الى مكان و التكسير في الأشجار بمنقارها،  البحث عن الحبوب في الأرض، و الفواكه  و الخضروات في الأشجار.. ولكن في بيوتنا، كل حاجة بتصلهم جاهزة، فبالوقت لو مجبتش بدائل مشابه و استثمرت من وقتك لتدريب الطائر و تغذية وقته و قدراته و ذكاؤه،  بيبدأ يشعر بالاكتئاب و الملل و الإستسلام، و كمان بيحصله مشاكل صحية زي السمنة… كل هذه الأشياء بتؤثر بقوة على صحته

و زي ما ذكرت سابقاً، انك ممكن تعمل ألعاب كثير جداً بنفسك في البيت، باستخدام أشياء بسيطة مثل كرتونة المناديل و الكبيات الورقية و غيرها
حجات بسيطة جداً بالنسبة لنا، لكن كبيرة جداً بالنسبة لهم

!احترس عند اختيار الألعاب

.ميكنش فيها ألوان صناعية أوأي كيماويات ضارة و سامة للطائر •
.متبقاش فيها أشياء حجمها صغير و ممكن يبلعها أو تتزنق في بقة أو زوره •
.تجنب المرايات اللعبة •
بالرغم أيضاً من انتشارها بالمحلات، إلا انها بتخلي الطائر في حالة عصبية و بتنرفزه جداً و ممكن يصبح مهووس بها حرفياً، و ممكن فجأة يعضك بدون سبب أو تلاقيه أصبح عنيف و تتغير سلوكياته

:تنظيف القفص

cleaning bucket

،مهم جداً تنظيف القفص باستمرار لعدم انتشار الباكتيريا و الأمراض
فهناك طريقتين للتنظيف؛
.التنظيف الروتيني اليومي و التنظيف العميق و يكون مرة كل شهر أو أكثر حسب الاحتياج

:التنظيف اليومي الروتيني

أ. تغيير المياة كل يوم و غسل المشربة جيداً من الداخل بمياه فقط، أو مياه و خل
لأن المياة الراكدة بتكون بكتيريا و فطريات. و هتلاقي دائما و انت بتغسلها احساس بشئ لزج و هيدي بتكون الباكتيريا المكونة بالداخل
.فلازم تغسلها و تمليها تاني بمياه نظيفة مفلترة

 ب. تنظيف أو تبديل طبق الطعام، والتأكد من وجود الطعام الكافي و تنظيفة من أي بقايا من وسخ الطيور ان وجد منعا لانتشار الأمراض و الباكتيريا

ج. تغيير الفرش في قاع القفص، أنا شخصياً بفضلا استخدام مناديل المطبخ السميكة في القاع فوق السلك، بالطريقة دي بيكون التنظيف اليومي سهل جداً بمجرد انك تشيل المناديل القديمة و تقوم بتغييرها

تحذير بلاش تستخدم ورق الجرنال في القفص؛ لأن الطيور كائنات حساسة جداً و الحبر في ورق الجرنال بيسبب تسمم و مشاكل تنفسية للطيور، و كمان الطيور أحيانا ممكن تعض في الورق كنوع من اللعب و تبلعه بالغلط و دي مشكلة خطيرة

 تحذير!  بلاش تستخدم الصابون في تنظيف القفص أو أي منظفات كيماوية؛ سامة و مميتة… حتى لو غسلتها كويس جداً فالمواد دي بتترك بقيا احنا مش بنشفها بعينا
استكمل القراءة لتعرف المواد الطبيعية الآمنة لتنظيف القفص و التخلص من الباكتيريا و الأوساخ

:التنظيف العميق

يفضل ان تقوم بالتنظيف العميق للقفص مرة كل شهر بشكل عام… و أكثر أو أقل حسب شعورك بإحتياج القفص لذلك

:عشان تنظف القفص بعمق…هتحتاج  •
بخاخة –  مياه ساخنة – خل – ليمونة – ليفة جديدة
الليمون و الخل هيقتلوا أي باكتيريا موجودة و هيساعدوا على التنظيف بدون أي كيماويات ممكن تضر الطائر، و الليمون بيعطي رائحة منعشة للقفص

.شيل كل حاجة من القفص؛ اللعب و الستدات و أطباق الأكل و المياة •
(باستخدام البخاخة و الليفة، اغسل و نظف كل اللعب و الأطباق و قم بتنشفهم بفوطة أو اتركهم ينشفوا (يفضل في الشمس •
نظف القفص جيداً بالليفة و البخاخة، و قم بتنشيفه فوراً عشان ميصديش. و بعد كدا، رجّع كل شئ في مكانه داخل القفص •

.ملحوظة:  في حالة وجود بيض بالعشة، قم بتنظيف القفص بفوطة مبلولة، و بعد كدا نشفه بفوطة ثانية، منغير ما تلمس العشة أو تحركه

:الاستحمام

البادجي طائر استرالي، و المياة أو الاستحمام مهمين جداً بالنسبلهم عشان بتهدي البودرة الفي جسمهم و بتساعدهم على تنظيف و تقليم الريش
و لو قدرت تكتشف أكثر طريقة طائرك بيفضلها للاستحمام، هتستمتع بجد و انت بتتفرج عليه و تشوفه و هو بيلعب اد ايه فرحان و بتحس بعدها انه فعلاً مرتاح و ريشة نظيف و لونة اختلف

في ناس هتقولك حميه كل 4 أيام، و البعض بينصح بأقل أو أكثر
الحقيقة هي ان مفيش اجابة محددة، لأنن عدد مرات الاستحمام و الطريقة المستخدمة، هتعتمد على حجتين؛ أولاً، درجة حرارة الجو، و ثانياً شخصية و تفضيل طائرك الخاصة

أهم شئ انك تحميه الصبح و في مكان مشمس

:يوجد 4 طرق ممكن تحمي بيها الطائر، و دورك انك تجرب كل الطرق و تشوف أكثر طريقة يفضلها الطائر بتاعك
:أ. باستخدام زجاجة رش أو بخاخة

معظم طيور البادجي بتحب جداً هذه الطريقة.
املأ الزجاجة بمياه مفلترة فاترة. و قم برش الطائر بهدوء. لو بدأ الطائر يرفرف بجناحة، و يقلب نفسه بالماء و  حاول الاقتراب من الزجاجة فا دا يعني انه مبسوط و مستمتع جداً، و انت نفسك هتستمتع و انت بتتفرج عليه
لكن لو وجدته بدأ يطير بعيد عن مصدر المياه و حاول يهرب منها يبقا توقف قليلاً، و حاول مرة أخرى، لو فضل يهرب يبقا وقف و المرة القادمة جرب تستخدم أحد الأساليب الأخرى

و تذكر دائماً أن علاقتك مع الطيور هي علاقة ثقة متبادلة. فلا تجبر الطائر على فعل أي شئ بالغصب أبداً

:ب. استخدام طبق المياة التقليدي

.فقط املأ طبق من أطباق الأكل شوية صغيرة من المياه، و خذ بالك ميكنش عميق عشان ممكن الطائر يقع فيه و يغرق نفسه فا دائماً احترس.  و ممكن تحط شوية بقدونس في المياه
هتلاقي الطيور بتشرب من الطبق و بتنزل ديلها و جسمها في المياة و بتغني و مستمتعة جداً

:ج. استخدام الحنفية المفتوحة

هذه الطريقة برجحها أكثر بعد ما تكون الطيور ولفت عليك
خذ الطائر عند الحوض بعد التأكد من انك شلت أي شئ ممكن يكون خطر عليه… اغلق الحوض بالسدادة و افتح الحنفية و خلي المياة فتره، ولا سخنة ولا ساقعة

:د. استخدام بعض الخضرة المبلولة

بالضبط زي ما قرأت. هتغسل الخضرة، سواء كانت بقدونس أو جرجير أو غيره. و تحطهم مبلولين فوق القفص أو في أي مكان في القفص بحيث ان الطيور تقدر تقف عليه. مفيش طائر مش بيستمتع بالإستحمام بهذه الطريقة… هتلاقيه بيقلب نفسه في المياه و يفرفر جناحة و يتقلب و شكلهم بيكون مضحك جداً

 حاجات ممكن تبان بسيطة جداً، بس بتسعد الطائر و بتحافظ عليه و على حالتة الصحية و النفسية، فجرب كل الطرق و راقب طيورك و اعرف كل واحد فيهم بيفضل ايه

:النوم

 يحتاج البادجي من 10-12 ساعة من النوم المتواصل يومياً
قلة النوم بتأثر صحة الطائر العامة و كمان بيأثر جداً على مزاجهم و سلوكياتهم، زي أي كائن حي بما فيهم احنا البشر لو منتش كويس بتتعب و ممكن تنزعج جداً من أبسط الأشياء

:أشياء يجب مراعتها وقت النوم

لازم يكون المكان هادئ و مظلم وقت النوم لكي يستطيع الطائر انه ينام
بعض الناس بتنصح بتغطية القفص وقت النوم، لكن بخبرتي الشخصية ان الطريقة دي مش بتتناسب مع كل الطيور، يعني فيه طيور بتشعر بالأمان لما بنغطي القفص بالليل و علي العكس فيه طيور ممكن يحصلها ذعر و بتخاف جدا منه. فا دي نقطة ترجع لطبيعة و شخصية الطائر بتاعك.
مع مراعاة عدم تغطية القفص في الصيف عشان الحر و قلة الهواء ممكن تخنق الطائر لقدر الله

:التفاعل مع الطيور

في البرية، تعيش ببغاءات البادجي في أسراب كبيرة، الشئ البيخليهم طيور اجتماعية جداً، و صعب جداً تشوف بادجي عايش لوحده في الطبيعة أو منعزل إلا لو كان تعبان أو مجروح
؛(monogamous) دا غير ان ببغاوات البادجي طيور أحادية الزواج
بمعنى ان زوج الطيور بيفضلوا مع بعض في الطبيعة طول عمرهم، و مينفعش تفرقهم أبداً

طيب ايه اهمية الكلام دا؟

أهميته هي انك تعرف ان الطيور لما بتثق في صاحبها، بتعتبره أحد أفراد السرب. و بتحتاج اهتمام كبير من صاحبها. و صعب جداجداً عليها انها تتعايش لوحدها عشان كدا لازم تدي الطائر اهتمام بقدر محبته لك. و تخصصله وقت يومي لتفاعل والتدريب مش بس تمضية وقت و خلاص
و مينفعش تربي بادجي واحد لوحدة لأنه هيكتئب جداً. أفضل تجيب 2 و مش لازم يكونوا أزواج. يعني لو مش حابب الطيور تتزاوج عندك أو معنكش خبرة كافية ممكن تجيب ذكرين أو انثتين

…لاحقاً في مقال آخر، هشرحلك بالتفصيل طرق تدريب البادجي الصحيحة

شكراً لمتابعتكم و أتمنى أكون قدرت أفيدكم… لو عندك أي أسئلة، متترددش انك تبعتلي و أنا هحاول دائماً أرد على كل الأسئلة... هتلاقوني دائماً موجودة للرد على اسئلتكم على صفحة الفيسبوك أو انستجرام
و لو حابب تتابعني و تعرف نصائح مختلفة عن تربية حيواناتك الأليفة و تتابع كل المقالات الجديدة، اضف بريدك الالكتروني و انضم لنا  أو تابعني  على صفحة الفيسبوك و بينتريست و اينستجرام

موضوعات أخرى

About Us

I started this blog because I wanted to create a community for animal lovers, and hopefully my experience would help you guys with every little aspect about your Furry and Feathered friends; from training, to communication, health, diet and much more.

More About Us

تواصل معي

  • Petsoholic@gmail.com
Categories
قطط كلاب حيوانات اخرى طيور عربي

كيف تختار الحيوان الأليف المناسب لك؟

…حاجات كثير ممكن تشتريها بإندفاع… الحيوانات مش واحدة منهم

.من أحلى الفترات لمحبي الحيوانات هي فترة اللإستعداد لإستقبال حيوان أليف جديد، و بالذات لو بقالك فترة بتخطط للموضوع
انت بتضيف فرد جديد للأسرة، بيفرض عليك نوع خاص من الحب الغير المشروط، و مش بيدرك ولا يقّدر معنى الاحساس دا غير الفعلاً بيمر به. بس كمان لازم نفهم انها مسئولية, و مسئولية كبيرة, احنا الفكرنا و قررنا أننا على قدر تحملها. عشان كدا مينفعش أبداً اتخاذ قرار كبيرزي دا باندفاع لمجرد اني شفت فيديو لحيوان شكله ظريف بيلعب مع صاحبة، منغير ما يكون عندي أي فكرة عن احتياجات الحيوان دا و طرق تدريبة و رعايته. وتبدأ تكتشف بوقتها انه غير مناسب لك أو ان صعب عليك رعايته في الوقت الحالي، و بتكون النتيجة ان الحيوان بيترمي في الشارع أو يتبهدل من بيت لبيت

 ” متشتريش أي حيوان أليف بدون ما تقوم بالبحث و القراءة عنه كثير جدااً مسبقاً “

 :أولاً، لازم نتفق على بعض المفاهيم الأساسية

الحيوانات مش ممتلاكات خاصة، و لا يحق لنا استبدالها وقتما نشاء. الحيوانات مش للتسلية و لا لعب لأطفالنا أو أشياء للتجميع
…ممكن تمتلك بيت، سيارة، أو لعبة، بس مينفعش تمتلك روح لا يملكها غير خالقها

و لو هنتكلم بصراحة أكثر، و في حد فينا بيملك الثاني، ففي الحقيقة هم البيسطروا على حياتنا بالكامل، تماماً زي الطفل الصغير

“فاتفقنا ان الحيوانات مش شئ بنملكه.. احنا رفقائهم، و راعيهم”
و لما ربنا بيضعنا في طريق حيوان معين بيكون اختارك عشان تكون سبب لرزقه، و يكون هو كمان سبب رزق ليك
فممكن يكون الحيوان دا سبب لدخولك الجنة، أو سبب لإرتكابك ذنب عظيم لو أهملته، أو لم تعطيه الرعاية الكافية على قدر استطاعتك

طيب ازاي تعرف تختار الحيوان المناسب لك؟ و الانت كمان مناسب له؟

…اسأل نفسك الأسئلة دي، عشان تعرف تاخذ قرار مضبوط

.1
هل يتناسب مع اسلوب حياتك؟

cat - petsoholic

هل انت شخص صباحي ولا مسائي؟ تفضل الخروج الكثير ولا الجلوس بالبيت؟ هل انت شخص نشيط ولا لأ؟  …اختار الحيوان الذي تتناسب صفاته مع اسلوب حياتك

لكل حيوان احتياجاته الخاصة. و الإختلافات السلوكية، و الجسدية، و العقلية و النفسية دي هي البتجعل كل من هذه المخلوقات فريدة و مميزة على طريقتها. و للسبب دا؛ لازم تختار بدقة و تقرأ و تبحث كثيراً جداً، عشان تعرف ازاي تسمتع بالصفات دي، بدل ماتحاول تقهر الحيوان عشان تغيرها
فقهر الحيوان ضد طبيعته كي تناسب طبيعتنا ينتج عنه نوع من الاحباط لك و للحيوان، و دائماً النتيجة مبتكنش في صالح أي حد. و من أسوأ الأشياء الممكن يعملها  الشخص هي؛ أن يقوم بشراء حيوان بطبيعة غير متناسبة له و لإسلوب حياته، ثم يقهره للتغير من هذه الصفات الفطرية

“فرق كبير بين حب الشئ و حب امتلاكه”
فحب الحيوانات لا يعني أبدا اقتناء اكبر عدد ممكن منها. بل يعني مساعدتها لتعيش حياة أفضل سواء كانت هذه الحياة معنا أو بمكان آخر

.2
عندك وقت كافي؟

عندك وقت كافي تقضيه مع الحيوان؟ هل طبيعة شغلك أو دراستك بتخليك تعد كثير بره البيت؟ بتسافر كثير أو بصفة مستمرة؟
هل في شخص آخر يهتم بالحيوان في حالة عدم وجودك؟
.و بالوقت هنا مقصدش بيه انك تعد معاه في نفس المكان و خلاص، لكن أقصد وقت للتفاعل و التدريب و الرعاية، فالأهم من مدة الوقت، هو قيمتة

فبعض الحيوانات انطوائية أكثر و لا تمانع البقاء وحدها لفترة، بس بعض الحيوانات الأخرى بتكون اجتماعية جداً جداً و لازم تكون دائماً مع صاحبها، وإلا يؤدي لاكتئابها و لقيامها بسلوكيات اعتراضية غير مرغوبة
دي نقطة مهم جداً لازم تراعيها و انت بتختار، عشان لو ظروفك مش هتسمح  في الوقت الحالي، ممكن تأجل الفكرة فترة لحد ما تكون عندك وقت كافي أو اختار نوع حيوان يتماشى مع مدة الوقت المتاحة لك

.3
هل في شخص معترض على وجود الحيوان بالبيت؟

no pets allowed - petsoholic

و بالأخص لو شخص ذو سلطة كالأم أو الأب؟
بلاش تجيب حيوان غير لما يكون جميع أفراد الأسرة على وفاق. و تكونوا متفقين كلكم على أشياء معينة، و تقسيم المسئوليات. و أن في حالة الإضطرار للتخلص من هذا الحيوان، يكون في مكان آخر موثوق به هينتقل الحيوان له، و ان مهما حصل مش هنرمي الحيوان في الشارع لأنه قد يؤدي لوفاته بأبشع الطرق

.4
مستعد تلتزم بتربية الحيوان أد ايه؟

الهامستر (القزم (روبوروفسكي

هذه النقطة بالتحديد لا يحب البعض التكلم فيها مع نفسه بوضوح تام بالرغم من شدة أهميتها
خلق الله كل المخلوقات بأعمارها المختلفة المناسبة لها. فبعض الحيوانات بتكون متوسط عمرها قصير جداً مثل “الهامستر القزم (روبوروفسكي)” على سبيل المثال،  و البيكون متوسط عمره حوالي 3 أعوام
و بعض الحيوانات الأخرى مثل بعض أنواع الببغاء تكون عمرها من عمر الانسان بمتوسط 80 عام، أو حيوانات مثل “السلحفاه” التي قد يصل عمرها الي 100 عام حسب طريقة رعايتها

فخليك واضح جداً مع نفسك ودع خططك لحياتك تحدد معك اختيارك لنوع الحيوان. و لا أقصد بكلامي اننا نملك  المستقبل، فكل واحد منا ممكن يحدث له ظروف معينة مفاجئة تجبره على تغيير مسارات حياته، لكن بصورة عامة و بقدر المستطاع يفضل التخطيط لذلك

.فعلى سبيل المثال، لو اختيار الحيوان النفسك فيه هو الكلب، و متوسط عمره حوالي (10 -13) عام
بس انت ناوي تسافر خلال تلك السنوات القادمة، فكدا انت بتظلم نفسك و بتظلم الكلب معاك باقتناءك له ثم إجباره على تركك وقت رحيلك. و الهيسبب معاناه كبية جداً لهذا الحيوان بسبب اختيارك الخطأ و استعجالك من البداية… عشان كدا خليك واضح مع نفسك، و خذ القرار بمسئولية و بدون أنانية

.5
مدى قدرتك على تحمل مشاكل الحيوان السلوكية (من وجهة نظرك)، و قدرتك على استيعاب سلوكياته؟

cat scracther - Petsoholic

الحيوانات كائتان برية تتحكم فيها طبيعتها و فطرتها الخاصة.. و هذه الصفات الفطرية هي التي تجذبنا لتلك الحيوانات من البداية… فإن لم تستطيع فهمها و الإستمتاع بهذه الخصائص، و حاولت تغييرها للتناسب معك، فيجب أن تعيد النظر بالموضوع

الطريقة الصحيحة لتدريب اي حيوان لا تكون بغصب الحيوان ضد طبيعته و فطرته، و انما تعتمد على توجيه السلوك و ليس تغييره. و الفرق كبير بين الاثنين

أياً كان نوع الحيوان الهتختاره، دائماً سيكون هناك بعض المشاكل. هي في الحقيقة مش مشاكل، لكن هي صفات موجودة في الحيوان بفطرته، فلازم تفهم كويس أوي و تقرأ من مصادر موثوقة
أولاً؛ لتعرف مدى  قدرتك انت و أهل بيتك على تحملها
و ثانياً؛ أن تتعلم كيفية التعامل معها بأساليب علمية و صحيحة بدلاً عن الكلام و المعلومات التي يتداولها الكثير من الناس بدون علم، و بالأخص على مواقع التواصل الإجتماعي، البتكون معظمها معلومات للأسف خاطئة و مؤذية للحيوان، و لكنها منتشرة بقوة بين الناس

و لازم تفهم ان الأخطاء واردة حتى لأكثر الحيوانات تدريباً… و لهذا يجب أن تقرأ عن سلوكيات الحيوان الإختارته، و تفهم عقليتة و طريقة تفكير و سيكولوجية هذا الحيوان. و لما تفهم هتعرف ازاي تتعامل مع السلوكيات دي بشكل صحيح

 

.6
هل مكان و حجم البيت متناسب مع الحيوان؟

كيف-تختار-الحيوان-الأليف-المناسب؟ - Petsoholic

هل تسكن ببيت كبير؟ ولا شقة صغيرة؟  في حديقة خلفية للمنزل؟ عندك متسع كافي لهذا الحيوان و لمستلزماته؟
.تختلف أحجام الحيوانات، و كذلك أحجام لوازمها

من الأمثال الحزينة و المخذية البنشفها كثييييير، عندما تجد شخص ما يعشق الكلاب على سبيل المثال، و لكن ظرروف معيشته لا تسمح بذلك. فيقوم بشراء كلب كبير, و يحبسه في بلكونة أو يربطة خارج المنزل بسلسلة طوال الوقت، و لا يستثمرأي وقت لهذا الكلب، و هو مش مدرك أنه بيدمر حياة الحيوان البيتدعي أنه يحبه. فهنا بنعيد نفس الكلام؛ أنه في خط رفيع جداً بين حب الشئ و حب امتلاكه

كوننا نملك القوة و القدرة على التحكم بهذه المخلوقات، فهذا لا يعني اننا تملك الحق لذلك

ثانياً؛ مش بس حجم الحيوان البيحدد، كمان بعض الحيوانات و الطيور قد تكون حجمها صغير ولكنها تحتاج لمساحة كبيرة لمستلزماتها. فعلى سبيل المثال، كثير من الناس يظنون خاطئاً أن الطيور أو الببغاءات و بالأخص الصغيرة حجماً، لا تحتاج غير لقفص صغير و أكل و مياه و مرجيحة في القفص، بتوجيهات خاطئة من البائعين. و لكن هذا خطأ كبيرجداً جداً لأن الطيور تحتاج لمساحة كبيرة من الحرية و تحتاج للطيران و امضاء وقت خارج القفص بشكل يومي حتى تتمتع بصحة جيدة. فقلة الطيران تؤثر على صحتها و على نظامها التنفسي و على حالتها النفسية بشكل كبير، و تختلف الإحتياجات من نوع طائر إلى الآخر

و ثالثاً؛ بعض الحيوانات لا تحتاج لمساحة كبيرة، و لكن صوتها يكون مرتف جداً جداً، و تختلف أصوات الحيوانات مش بس من حيوان الي آخر. بل  من نوع سلالة و أخرى لنفس الحيوان

 

.7
عندك أطفال؟
بتدورعلى حيوان يفضل الارتباط بك فقط؟ ولا حيوان يرتبط بككل افراد العائلة؟

زي ما اتفقنا ان كل حيوان له صفاته و سلوكياته الخاصة
فبعض الحيوانات تميل للتعلق بشخص واحد فقط أكثر من الباقي، و البعض الآخر يكون اجتماعي جداً و يتعلق بجميع أفراد العائلة

كيف-تختار-الحيوان-الأليف-المناسب؟ - Weimarner - Petsoholic

كما أن بعض السلاسلات لا يفضل تربيتها  في حالة وجود أطفال في سن صغير، لأسباب مختلفة هنخوض فيها بموضوع آخر. و لكن بإختصار شديد؛ أن بعض الحيوانات لا ترتاح بوجود الأطفال بسبب تحركاتهم المفاجئة، و الممكن يؤدي لأذية الطرفين

فعلى سبيل المثال؛
.Weimarner-بعض أنواع الكلاب مثل ال
لا يفضل تربيته في وجود أطفال أقل من ال 6-سنوات أو على الأقل لا يفضل تركهك مع الكلب بدون مراقبة. و هنرجع هنا نربط بنقطة الوقت في حالة وجود أطفال، عندك وقت و طاقة أد ايه للحيوان؟

.8
ايه هي شخصية الحيوان البتدور عليه و ايه المشاعر المنتظرها منه؟

عايز حيوان عاطفي جداً، حيوان بيفضل العزلة، ولا حاجة في النص؟

لازم نفهم أن فرق الشخصيات و السلوكيات في الحيوانات مبيكنش في فرق الحيوان نفسه فقط يعني قطة، و كلب و طائر و غيره.. و كل حيوان, و كل فصيلة ليها مواصفتها و احتياجتها الخاصة

كيف-تختار-الحيوان-الأليف-المناسب؟ - ببغاء الكوكاتو - Petsoholic

فمينفعش نختار نوع الحيوان و سلالته من شكله الخارجي كما يفعل الكثير منّا خطأً

في حيوانات عاطفية جداااااً و بتحب تدلع و تاخذ اهتمام من صاحبها 24 ساعة. بس خلي بالك… دا بردو معناه انها بتحتاج رعاية 24 ساعة و لو مخدتش الاهتمام الكافي من صاحبها بيجلها اكتئاب و بتبدأ تعمل سلوكيات غير مرغوبة للفت الانتباه

 بس كمان في حيوانات بتفضل العزلة لفترة من الوقت، أو الجلوس مع حيوان نفس فصيلتها فقط. أو تحب تشوفك جنبها بس كل واحد فينا في حالة
و في حيوانات متوسطة بينهم. فا حسب رغبتك و حسب تفرغك وحسب احتياجاتك النفسية بتختار النوع المناسب ليك

يعني مثلاً ببغاء الكوكاتو. على الرغم من ارتفاع سعرة، الهيخليك تظن أن الشخص الهيجيبه أكيد قرأ و بحث عليه قدر المستطاع…لكن للأسف بنلاقي دا مبيحصلش غير قليل جداً
فيأتي الشخص و يشترى الببغاء لأنه شكله جميل, اجتماعي جداً جداً، و شخصيته رائعة… بس أول ما يروّح البيت يبدأ يكتشف اد ايه الببغاء دا محتاج يقضي معظم الوقت مع صاحبة، و لازم يتواجد في كل النشاطات البتقام في البيت و الا بيصرخ بصوت عالي جداً، و ممكن تبدأ تظهر عليه أعراض الاكتئاب مثل نتف ريشه بالكامل و سلوكيات أخرى

.9
هل وضعك المادي الحالي يسمحلك بتربية هذا الحيوان؟

مهم جداً جداً جداً مراعاة النقطة دي عشان منبهدلش معنا روح بتحس زينا زيها.. بس

كيف-تختار-الحيوان-الأليف-المناسب؟ - Petsoholic

فرق مبينا العقل
لازم ندرك ان تكاليف الحيوان مش بس في ثمن شراؤة. الأهم من دا هي تكاليف المعيشة، و الأكل, و تكاليف زيارات الطبيب البيطري، و جميع مستلزماته

للأسف كثير بنلاقي ناس تجيب حيوان معين و بعد فترة تضطر توزعة و سعات كمان بيترمي في الشوارع أو بيفضل معهم بس بيتبهدل بسبب ان صاحبه محسبش كويس  هيقدر على تكاليف الحيوان دا ولا لا

…و مش كل الحيوانات تكاليفها زي بعض… كل واحد يختلف عن الآخر حسب احتياجاته
…فمينفعش استرخص في الاهتمام بروح انت الاخترت انك على قدر رعايتها و مسئوليتها… لأن ربنا هيحاسبنا عليها
اصبر شوية لحد ما ظروفك تتغير و بوقتها هتحمد ربنا انك مستعجلتش في قرارك

.متجبش حيوان الا لو انت واثق انك هتقدر تديله أفضل قيمة لحياته

.10
:تأكد من وجود طبيب بيطري متخصص في علاج الحيوان

عايز حيوان عاطفي جداً، حيوان بيفضل العزلة، ولا حاجة في النص؟

Vet icon - Petsoholic

مهم جداً و بالأخص في حالة انك هتجيب حيوان مختلف عن الحيوانات المتعارف عليها ببلدك أو منطقة معيشتك. مش هتتخيل قدر صعوبة الموقف و الإحساس؛ ان الحيوان بتاعك الأصبح فرد من العائلة تعب و بيتعذب أمامك و انت مفيش في ايدك حاجة تعملها لأنك مش لاقي حواليك دكتور لعلاجه. أو تخده لدكتور قليل الضمير أو العلم فيعطيك علاج خاطئ و تكون النتيجة بهدلة الحيوان و التسبب في وفاته. فلا تتساهل بهذه النقطة أبداً عند الإختيار

.11
:فكر في البتني

…أنا عارفة ان ناس كثير بتتخوف من التبني لأسباب صحية أو لأنها نفسها في نوع

كيف-تختار-الحيوان-الأليف-المناسب - Petsoholic

حيوان معين و متخيلة انه استحالة يتواجد للتبني
بس للأسف ناس كثير بترمي حيوانات في الشوارع لا تتصور أن يمكن لشخص يجيله قلب يعمل فيها كدا. في حيوانات كثيييير أوي مرمية و متبهدلة, و مستنية حد يراعيها… و كثير بيكون النوع البتدورعليه موجود بس للأسف مبنديش نفسنا فرصة نسأل عنه
فمن المفترض أن يكون اتجاه تفكرنا دائماً عند اتخاذ قرار تربية حيوان أليف هو؛ اقتناء حيوان لانقاذه أو عشان نعطيه حياة أفضل من الحياة  الكان عايشها أو هيعشها
و بالنسبة للنقط الصحية فممكن جدا تسأل الشخص الأنقذ الحيوان انه يعطيك الأوراق الصحية للحيوان فتضمن تلك النقطة

و صدقني عن خبرة طويلة، انك تنقذ حيوان و تتبناه أفضل مليون مرة من انك تشتري حيوان من محل متعرفوش و تشجع على تلك التجارة الجشعة بالحيوانات. لأن للأسف معظم التجار بعالمنا العربي بيعاملوا الحيوانات كسلع، و بعاملوا بأبشع الطرق الغير آدمية لحد ما توصل عندك البيت
،و من ناحية أخرى، هتكون بتوفر في ثمن الحيوان، فتواصل مع جمعيات الانقاذ الموثوق فيها و فكر فيها… و في انك هتبقا بتنقذ روح حيوان برئ ممكن يكون سبب دخول خير كثير أوي لك بدل ما يترمي في الشوارع يتبهدل أو يموت

هل تعلم؟
ان تقريباً 7.6 مليون حيوان بيدخلوا جمعيات انقاذ الحيوانات بالولايات المتحدة فقط كل عام. منهم حوالي 3.9 مليون كلب، و 3.4 مليون قطة
و تقريباً بعددهم موجودين في الشوارع ببلادنا العربية
المصدر: https://www.aspca.org/animal-homelessness/shelter-intake-and-surrender/pet-statistics

 

:و أخيراً

أنواع كثير جداً و مختلفة من الحيوانات الأليفة يمكنك الإختيار منها، من بين؛ كلاب و قطط و طيور وزواحف و أسماك و حتى الحشرات بسلالاتهم المختلفة
.اعمل قائماة بحيواناتك المفضلة، اقرأ… و ابحث كثيراً
اسأل نفسك في كل النقاط الإتناقشنا فيها.. عشان تعترف تختار الحيوان الأيف المناسب لك
و فرق دائماً بين حبك لهذا الحيوان…و حب امتلاكه

شكراً لمتابعتكم و أتمنى أكون قدرت أفيدكم… لو عندك أي أسئلة، متترددش انك تبعتلي و أنا هحاول دائماً أرد على كل الأسئلة... هتلاقوني دائماً موجودة للرد على اسئلتكم على صفحة الفيسبوك أو انستجرام
و لو حابب تتابعني و تعرف نصائح مختلفة عن تربية حيواناتك الأليفة و تتابع كل المقالات الجديدة، اضف بريدك الالكتروني و انضم لنا  أو تابعني  على صفحة الفيسبوك و بينتريست و اينستجرام

 

موضوعات أخرى

About Us

I started this blog because I wanted to create a community for animal lovers, and hopefully my experience would help you guys with every little aspect about your Furry and Feathered friends; from training, to communication, health, diet and much more.

More About Us

تواصل معي

  • Petsoholic@gmail.com